د هلمند د ګرشک ولسوالي په نورزو سیمه کې د ۴۵زره امریکايي ډالرو په ارزښت د یوه جومات د بنسټ ډبره کېښودل شوه.
دغه جومات د هلمند د ګرشک ولسوالي اړوند «نورزو» سیمه کې د کندهار-هرات پر لویه لاره جوړېږي.
یاد جومات د کورنیو چارو وزارت سرپرست په لارښوونه او د یوه ترکي بنسټ له لوري جوړېږي چې پر رغېدو به یې ۴۵۰۰۰ «پنځه څلوېښت زره» امریکايي ډالره لګښت راشي.
د افغانستان علومو اکاډمي نن «یکشنبه، مرغومې ۲۴مه» د «اقتصادي وده کې د کرنیزو محصوولاتو د پروسس رول» تر نوم لاندې یو ورځنی علمي او څېړنیز سیمنار جوړ کړ. د هغه په وینا، د کرنیزو محصولاتو د پروسس پر وړاندې د ستونزو د حل لپاره، د علومو اکاډمۍ ۲۱علمي او څېړنیزې مقالې چمتو کړي او اړوند بنسټونو ته یې استولي دي.
د افغانستان بانک وايي چې د روانې اوونۍ د سهشنبې «مرغومې ۲۶مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، د مرغومې ۲۴مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به د روانې اوونۍ د سهشنبې پر ورځ «۱۵» میلیونه امریکايي ډالر لیلام کړي.
د لوګر امنیې قومنداني چارواکي وایي، امنیتي او کشفي ارګانونو په پلعلم ښار کې هغه څلور کسان نیولي چې د خواله رسنیو له لارې یې د نجونو په نوم له خلکو پیسې اخیستې.
د لوګر د امنیې قومنداني ویاند احمدالله انس سلاموطندار ته ویلي، نیول شوي کسان د لوګر ولایت اصلي اوسېدونکي دي او له اوږدې مودې راهیسې یوشمېر ځوانان د نجونو په نوم د فېسبوک او وټسپ اکونټونو په لرلو سره تېر ایستلي وو.
د ټولګټو وزارت لهخوا په کندهار کې د باروړونکو موټرو د وزن کنټرول په موخه د لومړي ځل لپاره د هېواد په کچه یوازینۍ «سیار تله» فعاله کړه.
په سوېل لوېدیځ زون کې د ټولګټو وزارت د پروژو تخنیکي مسوول انجینیر شېرحسن خوشیوال وايي چې دغه ولایت کې یې یاده سیاره تله د ریاستالوزرا د حکم پر بنسټ فعاله کړې ده.
د افغانستان لپاره د برېټانیا شارژدافیر د ریاستالوزرا سیاسي مرستیال مولوي عبدالکبیر او د بهرنیو چارو وزارت سیاسي مرستیال شېرمحمد عباس ستانکزي سره تر لیدنې وروسته ویلي، دغو لیدنو کې یې د افغانستان لپاره د ملګروملتونو د امنیت شورا د وروستي پرېکړهلیک د پليکېدو لپاره پر وروستيو ګامونو خبرې کړي.
د ننګرهار د اطلاعاتو او فرهنګ ریاست د اطلاعاتو امر قریشي بدلون سلاموطندار ته وايي چې د تورخم دروازه له «شنبې شپې» راهیسې د پاکستان لهخوا د ټرانزیټ پر مخ تړل شوې.
نوموړي زیاته کړه چې پاکستان د تورخم دروازه د باروړونکو موټرو د پاسپورټ او ویزې غوښتنې په دلیل تړلې.
د هلمند محلي مسوولان وايي چې د یاد ولایت مرکز لښکرګاه ښار اړوند بولان څېړنیز زراعتي فارم کې د شنو خونو په اړه کروندګرو ته عامه پوهاوی ورکول کېږي.
د مسوولانو په وینا، دغه پوهاوی د ځینو کرنیزو توکو د ښه حاصل ترلاسه کولو په موخه ورکول کېږي.
د بدخشان مرکز فیضاباد ښار ناروغلرونکي د دغه ولایت اړوند د ولایتي روغتون په بېړنۍ څانګه کې د متخصصو ډاکټرانو له نشتون شکایت کوي. دوی له مسوولانو غواړي چې دغه ستونزه یې هواره کړي. د دوی په وینا، یاد روغتون ۱۲۰ بستره لري او تشکیلات یې بسترو ته په کتو جوړ شوې دي.
د ملګروملتونو پراختیايي پروګرام افغانستان کې د بېوزلۍ پراخېدو په اړه اندېښنه ښودلې او ویلي یې دي چې د مالي تمویلوونکو د مرستو کمښت ترڅنګ دغه هېواد کې د خلکو ورځنی عاید هم کم شوی دی.
د ملګروملتونو پراختیايي پروګرام له لوري په خپره شوې خبرپاڼه کې راغلي چې افغانستان کې ۸۵سلنه خلک د ورځې له یوه ډالر کم عاید لري.
د ریاستالوزرا سیاسي مرستیال عبدالکبیر د برېټانیا شارژدافیر سره د لیدنې پر مهال ویلي، برېټانیا دې نړۍ ته د افغانستان رښتینی تصویر وړاندې کړي.
هغه د برېټانیا شارژدافیر چارترن دکسن سره لیدنه کې د یاد هېواد او افغانستان اړیکې دوستانه بللي او غوښتنه یې کړې چې دغه هېواد دې نړۍ ته د افغانستان رښتینی تصویر وړاندې کړي.
کابل ته د پاکستان جمعیت علمای اسلام ګوند مشر فضلالرحمن سفر سره هممهاله د یاد هېواد د بهرنیو چارو وزارت وايي چې پاکستان د نوموړي له سفر ملاتړ نهکوي.
د یاد وزارت ویاندې ممتاز زهرا بلوڅ پرون پنجشنبه«جنورۍ ۱۱مه» اسلاماباد کې یوې غونډې ته ویلي چې فضلالرحمن په شخصي توګه کابل ته سفر کړی او د پاکستان لنډمهاله حکومت یې ملاتړ نهکوي.
د کانونو او پټرولیم وزارت مسوولانو نن «پنجشنبه، مرغومې ۲۱مه» له یوشمېر خصوصي شرکتونو سره د څلور سترو کانونو د استخراج او پروسس قراردادونه لاسلیک کړل.
د هرات د کرُخ ولسوالي «مسجد چوبي» سیمه کې د ۱.۶ کیلومتر مربع په مساحت سره د سکرو کان چې تړون یې د ۳۰کلونو لپاره حضرتبلال خالد شرکت سره لاسلیک شوی.
د پکتیکا محلي مسوولان وايي چې د یاد ولایت په بېلابېلو سیمو کې د موټرو د تورو ښیښو د پاکولو کمپاین یې پیل کړی دی.
د تورو ښیښو د سپینولو یاد کمپاین «چهارشنبه، مرغومې ۲۰مه» پیل شوی چې تراوسه یې د یوشمېر موټرو ښیښې سپینې کړې دي.
د لوګر د اطلاعاتو او فرهنګ ریاست چارواکي وایي چې د دغه ولایت په محمداغې ولسوالي کې له یتیمانو څخه د ملاتړ بنسټ په همکاري له شاوخوا ۱۰۰۰ ځوانانو څخه د سېرت النبي ازموینه واخیستل شوه.
د افغانستان بانک وايي چې راتلونکې شنبه د «مرغومې میاشتې ۲۳مه» به څوارلس میلیونه امریکايي ډالر د لیلام په توګه بازار ته وړاندې کړي.
د افغانستان بانک نن پنجشنبه د «مرغومې ۲۱مه» پر اېکس «ټوېټرپاڼه» لیکلي چې د «افغانۍ» ارزښت ساتنې او ثبات لپاره به شنبه «۱۴» میلیونه امریکايي ډالر لیلام کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
