افغانستان کې د ملګروملتونو سیاسي استازولۍ «یوناما» وايي چې افغانستان کې له زدهکړو د نجونو دوامداره محرومیت به دغه هېواد په نړیواله کچه منزوي کړي.
د یوناما مشرې روزا اوتنبایوا دغه څرګندونې نن «چهارشنبه، سلواغې څلورمه» د ښوونې نړیوالې ورځې په تړاو په یوه ویډیويي پیغام کې کړې دي.
د پوهنې وزارت سرپرست حبیبالله اغا وايي چې هېواد کې د پوهنې وضعیت اندېښمنونکی دی او دیني او عصري زدهکړې د کیفیت له پلوه کمزورې دي.
نوموړي دغه څرګندونې نن «چهارشنبه، سلواغې څلورمه» کابل کې د «تحصیلي بنسټونو د ښهوالي» تر نوم لاندې جوړه شوي دوه ورځنی کنفرانس کې وکړې.
د ملګروملتونو د پروژوي دفتر عمومي مشر نیکولاس جورج وايي چې هلمند کې یې د څه باندې ۱۴میلیونه افغانیو په لګښت ۵۰۰ پروژې پیل کړي چې ځینې بشپړې او ځینې یې تر کار لاندې دي.
نوموړي دغه څرګندونې «سهشنبه، سلواغې درېیمه» هلمند کې د یاد ولایت والي سره د لیدنې پر مهال کړې دي.
د افغانستان طبي شورا مسوولان وايي چې هېواد کې د ځینو پوهنتونونو طب پوهنځي پر معیار برابر نهدي چې له امله خلک د افغانستان پر طبابت بېباوره شوې دي.
د افغانستان طبي شورا رییس ګلمحمد عثمان دغه څرګندونې «سهشنبه، سلواغې درېیمه» کندهار کې د طبي شورا پرانېستلو په اړه جوړې شوې غونډه کې کړې دي.
پاکستاني ځواکونو د تېرې میاشتې په ۲۳مه نېټه د تورخم دروازه د باروړونکو موټرو پر مخ وتړله ځکه وتړله چې د افغان باروړونکو موټرو چلوونکو پاسپورټونه او د دغه هېواد ویزې نه لرلې. د ا.ا سرپرست حکومت هم ورته پرېکړه وکړه او د پاکستان د باروړونکو موټرو پر چلوونکو يې د پاسپورټ او ویزې شرط کېښود.
تاس خبري اژانس نن «سهشنبه، سلواغې درېیمه» په یوه راپور کې ویلي چې روسیه به د روانې جنورۍ میاشتې تر پایه د افغانستان په اړه یوه څلور اړخیزه غونډه جوړه کړي.
تاس خبري اژانس دغه راپور کې د افغانستان لپاره د روسیې ځانګړي استازي ضمیر کابلوف له قوله ویلي، دغه غونډه کې به د افغانستان د ټولګډونه حکومت جوړولو، ترهګرۍ سره پر مبارزې او د مخدره توکو د قاچاق پر مخنیوي بحث او خبرې وشي.
د افغانستان بانک وايي چې سبا چهارشنبه «سلواغې درېیمه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (سهشنبه، د سلواغې درېیمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به د روانې اوونۍ د چهارشنبې پر ورځ «۱۶» میلیونه امریکايي ډالر لیلام کړي.
د پکتيا سوداګرۍ خونې مسوولان وايي چې د دغه ولایت په ډنډپټان ولسوالي کې پاکستان سره پر ډیورنډ کرښه د خرلاڅي دروازه د ټرانزیټ پر مخ بېرته پرانېستل شوه.
د پکتيا د سوداګرۍ خونې مسوول حسيبالله ګردېزی وايي، د خرلاڅي دروازه د هر ډول باروړونکو موټرو د تګراتګ پر مخ پرانېستل شوې او دواړو لوریو ته ولاړ موټر اوس تګراتګ کولای شي.
د روزګان په مرکز ترینکوټ او شپږو ولسوالیو کې د ۱۸ میلیونه افغانیو په لګښت د سېلابونو مخنیوي او د اوبو زېرمې لپاره اووه چکډېمونه جوړېږي.
د روزګان والي محمدعلي جان احمد د یاد ولایت چنارتو ولسوالي کې د دې چکډېمونو له ډلې د یوه چکډېم د بنسټ ډبره کېښودله.
هرات کې چارواکي وايي چې د دغه ولایت د انجیل ولسوالي په یوشمېر کلیو کې یې ۱۴۰ جوړ شوي کورونه، زلزلهځپلیو ته سپارلې دي.
دغه کورونه د انجیل په میرقنات، خواجه شهاب، عليمنصور، کالار او هوا دشت کلیو کې جوړ شوې دي. د هرات د اطلاعاتو او فرهنګ رییس او زلزلهځپلیو ته د رسېدنې کمېټې ویاند احمدالله متقي وايي چې دغه کورونه څه باندې یوې میاشت کې رغول شوي او ۲۲ میلیونه افغانۍ لګښت پرې راغلی دی.
د عامې روغتیا وزارت د ازموینو ملي ادارې سره په همغږۍ د طب زدهکړیالانو لپاره د تخصصي زدهکړو ملي ازموینه د یوشمېر نجونو په ګډون نن په کابل کې واخیستل شوه.
د دغه وزارت چارواکو د دوشنبې په ورځ په کابل کې د یوې خبري غونډې پر مهال وویل چې په دې دوره کې ۶۲۲۰ زدهکړیالانو برخه اخیستې وه چې ۱۲۰۰ یې نجونې وې.
د ایران دولتي خبري اژانس ایرنا لیکلي چې د دغه هېواد د قضاییه قوې مرستیال کابل ته د سفر پرمهال د سرپرست حکومت چارواکو سره هوکړه کړې چې پر شرایطو برابر زندانیان به افغانستان ته ولېږدول شي.
د لوګر د اطلاعاتو او فرهنګ ریاست چارواکي وایی، د ملي موزیم څخه یوشمېر لرغونپوهان راغلي او دغلته یې د پخوانیو لرغونو اثارو د ترمیم چارې پيل کړي.
د اطلاعاتو او فرهنګ رییس رفېعالله صمیم وویل، اطلاعاتو او فرهنګ وزارت یوشمېر لرغونپوهانو ته دنده سپارلې، څو د یاد ولایت محلي موزیم لسګونه قلمه ویجاړ شوي لرغونې اثار ترمیم او ثبت کړي.
د غور ولایتي روغتون کې د خوارځواکۍ ناروغانو ته د ځانګړې پاملرنې څانګه له هغو ماشومانو ډکه ده چې د دې ولایت له مرکز فیروزکوه ښار او ولسوالیو څخه دغه روغتون ته راوړل شوي دي.
زهرا او زینب هغه دوه مېندې دي چې شاوخوا یوې اوونۍ راهیسې یې خپل ماشومان د غور ولایتي روغتون ته د درملنې لپاره راوړي.
کندهار کې چارواکي وايي چې د دغه ولایت په ارغنداب ولسوالي کې یې په یوولس میلیونه افغانیو د «زرغونې انا» د مقبرې د بیارغونې چارې پیل کړې.
دغه مقبره به د راتلونکو دوو میاشتو پر مهال ورغول شي او چارې به یې د تخنیکي انجینیرانو لهخوا پرمخ یوړل شي. دغه مقبره د یادې ولسوالي په کوهک لي کې شتون لري.
د اطلاعاتو او فرهنګ وزارت سرپرست خیرالله خیرخوا وايي چې سرپرست حکومت تل هڅه کوي، څو هېواد کې ځوانانو ته د کار زمينې برابري کړي.
نوموړي دغه څرګندونې «یکشنبه، سلواغې لومړۍ» د هلمند مرکز لښکرګاه کې د انګلیسي او کمپیوټ څخه د ۳۵۰ ځوانانو د فراغت په اړه جوړه شوې یوې غونډه کې کړې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
