کندهار کې چارواکي وايي چې د دغه ولایت په ارغنداب ولسوالي کې یې په یوولس میلیونه افغانیو د «زرغونې انا» د مقبرې د بیارغونې چارې پیل کړې.
دغه مقبره به د راتلونکو دوو میاشتو پر مهال ورغول شي او چارې به یې د تخنیکي انجینیرانو لهخوا پرمخ یوړل شي. دغه مقبره د یادې ولسوالي په کوهک لي کې شتون لري.
د سلاموطندار پښتو فېسبوکپاڼه وڅارئ
د تاریخي ابداتو یوه انجینیر عبدالمنیر سلاموطندار ته وویل چې د یادې مقبرې پر جوړېدو به یوولس میلیونه افغانۍ لګښت راشي او په وینا یې، په هماغه پخوانۍ بڼه به بېرته ورغول شي.
د اطلاعات او فرهنګ وزارت سرپرست خيرالله خیرخواه د یادې مقبرې د ترمیم د پیل پرمهال رسنیو ته وویل چې د تاریخي ابداتو ترمیم او بیارغونه یې په لومړيتوبونو کې دي.
د نوموړي په وینا، چا ته به اجازه ورنهکړي چې تاریخي سیمې غصب او یا نوره استفاده ورڅخه وکړي.
زرغونه انا د لوی احمدشاه بابا مـور او په خـټه الکـوزی وه. هغه د خپل وخت یوه پوهـه او هوښیاره مېرمن وه. نوموړې د احمدشاه بابا د یوې مشاورې په توګه مرسته کوله.