د ریاستالوزرا سیاسي مرستیال عبدالکبیر د برېټانیا شارژدافیر سره د لیدنې پر مهال ویلي چې برېټانیا دې نړۍ ته د افغانستان رښتینی تصویر وړاندې کړي.
هغه د افغانستان لپاره د برېټانیا شارژدافیر چارترن دکسن سره لیدنه کې د یاد هېواد او افغانستان اړیکې دوستانه بللي او غوښتنه یې کړې چې دغه هېواد دې نړۍ ته د افغانستان رښتینی تصویر وړاندې او له سرپرست حکومت سره تعامل وکړي.
د سلاموطندار پښتو فېسبوکپاڼه وڅارئ
د ریاستالوزرا سیاسي مرستیال عبدالکبیر او د برېټانیا شارژدافیر د لیدنې پر مهال دغه څرګندونې ارګ پر خپله اېکس پاڼه «پنجشنبه، مرغومې ۲۱مه» لیکلي دي.
د یادې لیدنې په ترڅ کې د برېټانیا شارژدافیر ډاډ ورکړی چې هېواد یې افغانستان کې د سولې او ثبات غوښتونکی دی او د همدې لپاره نړۍ سره د افغانستان تعامل برخه کې هڅې کوي.
چارترن دکسن په ډاګه کړه چې نړۍ سره د افغانستان تعامل بحث او خبرو ته اړتیا لري او په وینا یې، دغه هېواد به هڅه وکړي، څو رامنځته شوی ناسم پوهاوی لهمنځه یوسي.
له دې وړاندې هم د ریاستالوزرا سیاسي مرستیال عبدالکبیر د یوشمېر هېوادونو له استازیو او چارواکو سره د لیدنو پر مهال له سرپرست حکومت سره د یادو هېوادونو د تعامل او ښو اړیکو د ټينګښت غوښتنه کړې.