د روزګان والي دغه ولایت کې د یوې غونډې پر مهال اړوند مسوولانو ته سپارښتنه کړې، هغه کسان چې له نظامي وسایطو شخصي استفاده کوي، وسایط دې ترې واخلي او قانوني چلن دې ورسره وشي.
محمدعلي جان احمد زیاته کړې چې یوشمېر کسان له دولتي وسایطو څخه په وادونو او نورو مراسمو کې کار اخلي چې په وینا یې، عامه نظم یې ګډوډ کړی دی.
پکتیا کې چارواکي وايي چې د دغه ولایت د «بالاحصار» د بیارغونې په موخه د تخنیکي سروې د پاتې ۲۰سلنه سروې چارې پیل شوې دي.
د پکتیا د ښار او کور جوړولو ریاست رییس عبیدالله رشاد وايي چې د ښار او کور جوړولو وزارت له اطلاعاتو او فرهنګ وزارت سره په همغږۍ د یاد بالاحصار د پاتې سروې چارې پیل کړي دي.
د لوګر پوهنې ریاست چارواکي وایي چې سږ کال د مرکز پلعلم په ګډون د پنځه ولسوالیو د سواد زدهکړې له ۷۴ ټولګیو څخه ۱۳۷۰ زدهکوونکي فارغ شول.
د یاد ولایت پوهنې ریاست ویاند شاهپورعرب سلاموطندار ته وویل چې دغه زدهکوونکي د پوهنې وزارت له لوري د سواد زدهکړې پروګرام له جوړو شویو کورسونو څخه په مرکز پلعلم، محمداغې، خوښۍ، برهکي برک، څرخ او خروار ولسوالیو کې فارغ شوي دي.
د پکتیا د ګردېز ښاروالي مسولان وايي، سږکال یې شاوخوا ۹۰میلیونه افغانۍ عواید راټول کړي چې د ښار بېلابېلو برخو کې یې بېرته پر ځینو پروژو لګولې دي.
د راټولو شويو عوایدو له ډلې یې ۸۵میلیونه افغانۍ د ګردېز ښار په پراختیايي پروژو او نورو اړینو برخو لګول شوي. د ګردېز ښاروال په وینا، د ښار ماسټر پلان ۳۰سلنه بشپړ شوی او پاتې چارې به یې هم بشپړې شي.
په ننګرهار کې د اقلیمي بدلون نړیوالې غونډې ګډونوالو د دې غونډې په دویمه ورځ د اقلیمي بدلون په اړه خپلې مقالې چې د اقلیمي بدلون پر لاملونو، اغېزو او حللارو ورټولې وې، وړاندې کړې.
د دې غونډې ګډونوالو پر نړیوالو هم غږ وکړ چې له افغانستان سره د اقلیمي بدلون د ناوړه پایلو او اغېزو د مخنیوي لپاره مرستې وکړي.
د افغانستان په چارو کې د ایران د ولسمشر ځانګړي استازي او سفیر، حسن کاظمي قُمي نن یکشنبه «سلواغې ۲۲مه» کابل کې یوې غونډې ته وویل، هېواد یې اسلامي امارت سره د همکاریو د پیاوتیا هڅه کوي.
د افغانستان د ازادو خبریالانو ټولنې مشر حجتالله مجددي وايي چې هلمند کې خبریالانو له ستونزو او محدودیتونو سره مخ دي. مجددي د یادې لیدنې پر مهال ویلي چې هلمندي خبریالان د نورو ولایتونو سره په توپیر ځینو ستونزو او محدودیتونو سره مخ دي چې ځايي مسوولان یې باید ستونزې ورحل کړي.
د لوګر امنیې قومنداني چارواکي وایي چې امنیتي ځواکونو تېره شپه په مرکز پلعلم ښار کې څلور کسان د غلا په تور نیولي دي.
پاکستان کې سلګونه افغان بېسرپرسته مېرمنې چې دوی ته د ورپېښو امنیتي ستونزو او یو لړ محدودیتونو له امله پاکستان ته کډه شوي، دغه هېواد کې د ژوند سختې شپې او ورځې تېروي.
یادې بېسرپرسته افغان مېرمنې د پاکستان بېلابېلو سیمو کې له کړاوه ډګ ژوند کوي او له ژوند په تنګ شوې دي.
د افغانستان کرېکټ ملي لوبډله نن د سریلانکا کرېکټ ملي لوبډلې سره د درېوو یو ورځنیو سیالیو د لوبلړۍ دویمه لوبه کوي.
ټاکل شوې چې یاده لوبه نن یکشنبه د فبرورۍ ۱۱مه د کوربه سریلانکا د «پاليکالي کرېکټ نړیوال لوبغالي» کې ترسره شي. افغان لوبډلې د یادې لوبلړۍ په لومړي سیالي کې له سریلانکا لوبډلې د ۴۲ منډو په توپیر له ماتې سره مخ شوه چې ورسره د درېوو یو ورځنیو سیالیو روانه لوبلړۍ کې سریلانکا ۱-۰ مخکې دی.
د خوست محلي چارواکي وايي چې د ۱۵میلیونه افغانیو په لګښت د دغه ولایت تڼیو ولسوالي ته د برښنا لېږد چارې پیل شوې.
د خوست د برښنا شرکت رييس انجینیر فولاد معاويه وايي چې وارداتي برښنا به په لومړي سر کې د ولسوالي مقام سره ونښلېږي او وروسته به نورو سیمو او کلیو ته هم وغځول شي.
د میدانوردګ محلي چارواکي وایي چې له کلونو ځنډ وروسته یوځل بیا د کابل-میدانوردګ پر لویه لاره د ملي بس ټرانسپورټ فعاله شو.
د یاد ولایت مرستیال مولوي سیدالرحمن حافظ په دې اړه جوړې شوې غونډې ته وویل چې د میدانوردګ مقام د ولسونو په غوښتننه د کابل-میدانوردګ پر لویه لاره د ملي بسونو د تګراتګ ټرانسپورټ یې بېرته پرانېستلی دی.
د میدانوردګ د بدني روزنې او ورزش امریت چارواکي وایي چې د لومړي ځل لپاره په چک ولسوالي کې د غشي ویشتلو سیالي پای ته ورسېدې.
د یاد ولایت د بدني روزنې او ورزش امریت له لوري سلاموطندار ته په رالېږل شوې خبرپاڼه کې راغلي چې په جوړو شویو سیالیو کې د غشي ویشتلو پياوړو لسګونه لوبغاړو ګډون کړی وو.
د لوګر برښنا ریاست چارواکي وایي چې په تېرو اتلس میاشتو کې د برښنا له درکه شاوخوا ۲۷۰ میلیونه افغانۍ عواید راټول شوي دي.
د دغه ولایت برښنا ریاست رییس محمدفهیم منصور سلاموطندار ته وویل، د پخوا په پرتله دغه ولایت کې د برښنا ریاست عواید ډېر شوي او په تېرو اتلس میاشتو کې ۲۷۰ میلیونه افغانۍ او په تېرو لس میاشتو کې ۱۵۰ میلیونه افغانۍ عواید راټول شوي دي.
په داسې حال کې چې د افغانستان په اړه د ملګروملتونو په کوربهتوب د دوحې غونډه راتلونکې اوونۍ جوړېږي؛ خو دغه سازمان لاهم د دې غونډې د وروستي جوړښت او اجنډا په اړه جزییات نهدي ورکړي. د اسلامي امارت ویاند ذبېحالله مجاهد سلام وطندار ته وویل، د دوحې غونډه کې د ګډون په اړه د بهرنیو چارو وزارت وروستۍ پرېکړې ته په تمه دي.
د تخار رستاق ولسوالي چې نږدې ۴۰۰ کلي او ۴۰۰زره وګړي لري، د دغه ولایت له لومړۍ درجه ولسوالیو څخه شمېرل کېږي.
د یادې ولسوالي ډېری وګړي په لرو پرتو سیمو کې ژوند کوي او له یادو سیمو د دغه ولسوالي مرکزي روغتون روغتون د درملې لپاره ورځي، خو دغه روغتون کې له روغتیايي خدمتونه او امکانات شکایت لري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
