د میدانوردګ د بدني روزنې او ورزش امریت چارواکي وایي چې د لومړي ځل لپاره په چک ولسوالي کې د غشي ویشتلو سیالي پای ته ورسېدې.
د یاد ولایت د بدني روزنې او ورزش امریت له لوري سلاموطندار ته په رالېږل شوې خبرپاڼه کې راغلي چې په جوړو شویو سیالیو کې د غشي ویشتلو پياوړو لسګونه لوبغاړو ګډون کړی وو.
د سلاموطندار پښتو فېسبوکپاڼه وڅارئ
د ورکړل شویو معلوماتو له مخې، د یادو سیالیو له جوړېدو څخه موخه په میدانوردګ کې غشې ویشتلو ورزش ته وده ورکول او د ورزشکارانو ترمنځ ښې اړیکې رامنځته کول دي.
خبرپاڼه زیاتوي چې یادې سیالي د یارمحمدخېلو لوبډلې په اتلولۍ پای ته ورسېدې.
د یاد ورزش مینوال هم خوښ دي چې په میدانوردګ کې د لومړي ځل لپاره د غشي ویشتلو سیالي وشوې، خو ټینګار کوي چې د بدني روزنې او ورزش امریت دې ورته سیالي په نورو ولسوالیو کې هم جوړې کړي.