د میدانوردګ محلي چارواکي وایي چې له کلونو ځنډ وروسته یوځل بیا د کابل-میدانوردګ پر لویه لاره د ملي بس ټرانسپورټ فعاله شو.
د یاد ولایت مرستیال مولوي سیدالرحمن حافظ په دې اړه جوړې شوې غونډې ته وویل چې د میدانوردګ مقام د ولسونو په غوښتننه د کابل-میدانوردګ پر لویه لاره د ملي بسونو د تګراتګ ټرانسپورټ یې بېرته پرانېستلی دی.
د سلاموطندار پښتو فېسبوکپاڼه وڅارئ
هغه زیاته کړه چې اوس پر دغه لویه لاره شپږ ملي بسونه تګراتګ کوي او نږدې ورځو کې به د ټرانسپورټ وزارت له لوري څلور نور ملي بسونه هم د میدانوردګ ټرانسپورټ امریت سره مرسته وکړي.
د نوموړي په وینا، د یاد ټرانسپورټ له فعالیدو سره به د ولسونو ډېرې ستونزې هوارې شي او په خوندي توګه به پلازمېنې کابل ته تګراتګ کوي.
د میدانوردګ اوسېدونکي هم خوښ دي چې د ټرانسپورټ ادارې له لوري د کابل-میدانوردګ ملي بس ټرانسپورت بیاځلې فعاله شوی.
خو دوي ټینګار کوي چې یاد ملي بسونه دې په دوامداره توګه فعالیت وکړي او له سپرلیو څخه یې د لېږد رالېږد پر مهال مناسبه کرایه واخلي.