پاکستان نړیوال جام کې خپله لومړۍ بریا ترلاسه کړه
د پاکستان د کرېکټ ملي لوبډلې د روان ۲۰۲۲ کال د کرېکټ شل اووره نړیوال جام سوپر ۱۲ پړاو کې نن نیدرلنډ ته ماته ورکړه او دې جام کې له دوو ماتې وروسته خپله لومړۍ بریا خپله کړه.
د پاکستان د کرېکټ ملي لوبډلې د روان ۲۰۲۲ کال د کرېکټ شل اووره نړیوال جام سوپر ۱۲ پړاو کې نن نیدرلنډ ته ماته ورکړه او دې جام کې له دوو ماتې وروسته خپله لومړۍ بریا خپله کړه.
یوشمېر نجونو نن یکشنبه د لړم اتمه هېواد کې له شپږم ټولګي پورته د نجونو ښوونځیو د تړلکېدو په غبرګون کې اعتراض کړی.
دغه نجونې چې په یوه نامعلومه سرپټي ځای کې سره ټولې شوې وې، د ښوونځیو د تړلکېدو او د کابل پوهنتون له لیلیې څخه د نجونو زدهکړیالانو د شړلو په غبرګون کې اعتراض کړی دی.
د پاکستان د کورنیو چارو وزیر رانا ثنالله پرون شنبه د لړم اوومه یوې خبري ناسته کې ویلي، د عمرانخان په مشري د تحریک انصاف لاریون کوونکي اسلاماباد کې «وینه» تویېدل غواړي.
د پخواني ولسمشر ورور حشمت غني احمدزی وایي چې د اسلامي امارت یوه لوړپوړي چارواکي ابراهیم حقاني د پخواني ولسمشر محمداشرف غني کور غصب کړی دی.
هغه په یوه ویډیویي پیغام کې ویلي، سره له دې چې څو ځله یې د اسلامي امارت یوه چارواکي ابراهیم حقاني ته خبر ورکړی چې د پخواني ولسمشر کور خوشې کړي، خو په وینا یې، خبره یې نه ده اورېدل شوی.
د شهزاده سرای د صرافانو ټولنې مسوولان وايي چې د تېرو څلورو میاشتو په پرتله، اوس له هېواده بهر د ډالرو قاچاق زیات شوی دی.
د دې ټولنې ویاند عبدالرحمان ځیرک نن سلاموطندار ته په دې اړه ویلي: «د تېرو څلور میاشتو په پرتله د ډالرو قاچاق زیات شوی او که مخه یې ونه نیول شي، د هېواد په بازارونو کې به د افغانۍ پر ارزښت او د خوراکي توکو د بیو پر لوړېدو اغېز وکړي.»
د دایکندي محلي مسوولان وايي چې په میرامور ولسوالي او د دغه ولایت په مرکز نیلي ښار کې دوو بېلابېلو ټرافیکي پېښو کې د یوې نجلۍ په ګډون، نهه کسان مړه او ۱۳ نور ټپیان شوي دي. د دغه ولایت د امنیې قومانداني ویاند غلامعلي جاوېد سلاموطندار ته ویلي چې په لومړۍ پېښه کې د یوې ۱۲ کلنې نجلۍ په ګډون، نهه کسان مړه او نهه نور ټپیان شوي دي.
د اسټرالیا په کوربهتوب د روان ۲۰۲۲ کال د کرېکټ شل اووره نړیوال جام په سوپر ۱۲ پړاو کې نن د نیوزیلنډ او سریلانکا د کرېکټ ملي لوبډلو لوبه وکړه چې نیوزیلنډ لوبډله بریالۍ شوه سریلانکا ته د ۶۵ منډو په توپیر ماته ورکړي.
د چارو ادارې ریاست اړوند د اداري اصلاحاتو او ملکي خدمتونو نن شنبه د لړم اوومه د مخابراتو او ټکنالوژۍ وزارت د ۸۰ تشو بستونو لپاره له شاوخوا ۸۰۰ کسانو څخه رقابتي ازموینه واخیستله.
د لوګر یوشمېر اوسېدونکې وايي چې دغه ولایت کې د ښځینه متخصصو ډاکټرانو د کمښت له امله ښځینه ناروغانې له ګڼو سونزو سره مخ دي.
د پوهنې وزارت مسوولان وايي چې د ترکیې یو خیریه بنسټ د هېواد په پنځو ولایتونو کې دیني مدرسې جوړوي.
د پوهنې وزارت نن (شنبه، لړم اوومه) پر خپله ټوېټرپاڼه لیکلي چې دغه وزارت او د «ایدیف» په نوم د ترکیې یو خیریه بنسټ د هېواد په پنځو ولایتونو کې د پنځو دیني مدرسو د جوړېدو هوکړهلیک لاسلیک کړ.
د زابل مرکز کلات ښار اړوند د کاکړانو چینې سیمې اوسېدونکي خيالمحمد حقمل د «قرانکریم» لومړۍ سپاره په خپلو لاسونو لیکلې ده.
پاکستاني رسنیو نن جمعه د لړم شپږمه د دغه هېواد د بلوچستان ایالت د کورنیو چارو د مخکیني وزیر او اوسني سلاکار ضیا لانګو له قوله ویلي چې لا هم د افغانستان خاوره د ترهګرو له لوري د دوی پر ضد استعمالېږي.
د اسټرالیا په کوربهتوب د ۲۰۲۲ کال د روان کرېکټ شل اووره جام سوپر ۱۲ پړاو کې د نن ورځې دواړه لوبې لوبغالو کې د باران له کبله لغوه شوې.
پروان کې سرچینې وايي چې په مخکیني حکومت کې د دغه ولایت د ولایتي شورا مرستیال شمسالحق شیخاني د اسلامي امارت له لوري نیول شوی دی.
کندوز ښار کې ولسي سرچینې وايي چې د ښار اړوند د خاناباد بندر سیمه کې یوه هلک لومړی یوه نجلۍ او وروسته یې ځان وژل دی.
سرچینې سلاموطندار ته ویلي چې پېښه دوه ورځې وړاندې د لړم پر څلورمه نېټه د کندوز ښار اړوند خاناباد بندر سیمه کې رامنځته شوې ده.
یوه نوموتي افغان سندرغاړي فرهاد دریا له هغه وروسته چې افغانستان کې له شپږم ټولګي د پورته نجونو د ښوونځیو تړل کېدو ۴۰۰ ورځې تېرې شوې، د دغو ښوونځیو د پرانېستو لپاره کمپاین پیل کړ.
هغه وايي، د کمپاین موخه یې افغانستان کې د ټولو نجونو پر مخ د ښوونځیو پرانېستل کېدل او د دې لپاره غږ اوچتول دي.