د اسټرالیا په کوربهتوب د روان ۲۰۲۲ کال د کرېکټ شل اووره نړیوال جام په سوپر ۱۲ پړاو کې نن د نیوزیلنډ او سریلانکا د کرېکټ ملي لوبډلو لوبه وکړه چې نیوزیلنډ لوبډله بریالۍ شوه سریلانکا ته د ۶۵ منډو په توپیر ماته ورکړي.
نیوزیلنډ په یاده لوبه کې د ګلېن فلېپ د سلیزې پر مټ په ټاکل شویو شلو اورونو کې د اوو لوبغاړو په سوځېدو سریلانکا ته د ۱۶۸ منډو هدف وټاکه.
ګلېن فلېپ په دغه سیالي کې د نیوزیلنډ لپاره په توپوهنه کې ۱۰۴ منډې جوړې کړې.
خو د ورکړل شوي هدف په ځواب کې د سریلانکا لوبډلې په ۱۹.۲ اورونو کې د ټولو لوبغاړو په سوځېدو یوازې ۱۰۲ منډې جوړې کړې او دغه لوبه یې د ۶۵ منډو په توپیر نیوزیلنډ ته وبایلله.
د یادې لوبې غوره لوبغاړی د نیوزیلنډ ګلېن فلېپ ونومول شو چې ۱۰۴ منډې یې جوړې کړې وې.
سلاموطندار پر ټویټر هم وڅارئ
سبا به د یادو سیالیو په لړ کې زمبابوې له بنګلدېش، پاکستان له نیدرلنډ او هند له سوېلي افریقا سره لوبه وکړي.
