د روان ۲۰۲۲ کال د کرېکټ شل اووره نړیوال جام سیالیو په لړ کې نن د بنګلدېش کرېکټ ملي لوبډلې په خپله لومړي سیالي کې نیدرلنډ ته د نهو منډو په توپير ماته ورکړه.
د بنګلدېش د کرېکټ ملي لوبډلې په دغه سیالي کې په خپله توپوهنه کې په ټاکل شویو شلو اورونو کې د اتو لوبغاړو په سوځېدو ۱۴۴ منډې جوړې کړې او نیدرلنډ ته یې د ۱۴۵ منډو هدف وټاکه.
د بنګلدېش لپاره په توپوهنه کې افیف حسین تر ټولو زیاتې ۳۸ منډې جوړې کړې.
د بنګلدېش د ټاکلي هدف په ځواب کې نیدرلنډ لوبډلې د ټولو لوبغاړو په سوځېدو یوازې ۱۳۵ منډې جوړې کړې او دې لوبه کې یې د نهو منډو په توپیر ماته وخوړله.
د نیدرلنډ لپاره کولن اککرمن ښکلې لوبه وکړه او ۶۲ منډې یې جوړې کړې، خو خپله لوبډله یې له ماتې ونه شویا ژغورلی.
د یادو سیالیو په لړ کې نن زمبابوې له سویلي افریقا سره لوبه کوي.