د پوهنې وزارت مسوولان وايي چې د ترکیې یو خیریه بنسټ د هېواد په پنځو ولایتونو کې دیني مدرسې جوړوي.
د پوهنې وزارت نن (شنبه، لړم اوومه) پر خپله ټوېټرپاڼه لیکلي چې دغه وزارت او د «ایدیف» په نوم د ترکیې یو خیریه بنسټ د هېواد په پنځو ولایتونو کې د پنځو دیني مدرسو د جوړېدو هوکړهلیک لاسلیک کړ.
دغه هوکړهلیک د پوهنې وزارت د سرپرست حبیبالله اغا او د ایدیف بنسټ د مسوول محمد توران ترمنځ لاسلیک شوی دی.
د پوهنې وزارت لیکلي چې د یاد هوکړهلیک د لاسلیکېدو پرمهال د دغه وزارت سرپرست د ایدیف بنسټ له لوري د دیني مدرسو جوړېدل یو نېک اقدام بللی او له یاد بنسټ څخه یې مننه کړې ده.
د پوهنې وزارت سرپرست د ایدیف خیریه بنسټ مسوولانو ته ډاډ ورکړی چې دغه وزارت به دې د یادو پروژو د تطبیق په برخه کې ټولې اسانتیاوې برابرې کړي.
د پوهنې وزارت ویلي، ټاکل شوې چې دغه دیني مدرسې په پنځو ولایتونو کې جوړې شي چې هره مدرسه به څلور درسي خونې، احاطي دیوال، جومات، د څښاکو اوبو سېسټم او نورې اړینې اسانتیاوې ولري.
سلاموطندار پر ټویټر هم وڅارئ
د یادو مدرسو ټولیز لګښت ۲۵زره ډالره اټکل شوی چې د ایدیف بنسټ له لوري به ورکول کېږي.
