له افغانستان سره د نړیوالې ټولنې د نغدي مرستو په لړ کې نن د ۴۰ میلیونه ډالرو یوه بله کڅوره کابل ته راورسېده.
د افغانستان بانک نن سهشنبه د لړم لسمه پر خپله ټوېټرپاڼه له نړیوالې ټولنې غوښتي چې دغه مرستې د بانکي سکټور له لارې ترسره کړي.
د کرېکټ شل اووره نړیوال جام سیالیو په سوپر ۱۲ پړاو کې نن د انګلستان د کرېکټ ملي لوبډله بریالۍ شوه چې نیوزیلنډ ته د ۲۰ منډو په توپیر ماته ورکړي.
د کرېکټ شل اووره نړیوال جام کې دا د نیوزیلنډ د کرېکټ ملي لوبډلې لومړی ماته وه.
د ماشومانو د خوندیتوب سازمان (Save the Children) د یوه راپور په خپرولو سره په افغانستان کې پر خوارځواکۍ د اخته ماشومانو د شمېر له ډېروالي خبر ورکړی دی.
د ماشومانو د خوندیتوب سازمان د لړم په نهمه پر خپله ټوېټرپاڼه لیکلي چې افغانستان کې د بېوزلي او لوږې له زیاتوالي سره هممهاله دغه هېواد کې د خوارځواکۍ پېښې ۴۷ سلنه زیاتې شوې دي.
پاکستاني رسنیو نن سهشنبه د لړم لسمه راپور ورکړی چې د دغه هېواد د بلوچستان ایالت په اړوند سیمه کې د یوه وسلهوال برید پر مهال دوه پاکستاني سرتیري وژل شوي دي.
د امریکا د بهرنیو چارو وزارت ویاند د یوې خبري ناستې پرمهال خبریالانو ته ویلي چې امریکا تل پاکستان سره اړیکو ته ارزښت ورکړی او دغه هېواد یې د خپلو ګټو لپاره مهم ګڼلی دی.
په کابل نیوز ټلوېزیون کې یوې سرچینې د نوم نه ښودلو په شرط سلام وطندار ته تایید کړه چې د لنډې مودې لپاره یې نشرات درولي دي.
په داسې حال کې چې هوا په سړېدو ده او ژمی هم را روان دی، د تخار په خواجه بهاالدین ولسوالي کې سلګونه کورنۍ په ناسم وضعیت کې تر خیمو لاندې اوسېږي.
اسلامي امارت یادې ولسوالي ته د یوه پلاوي په لېږلو تازه پرېکړه کړې چې د دغو کورنیو مېنې هغو کسانو ته ورکړي چې څه موده مخکې ورته راغلي وو او ویل یې چې د دې سیمې مېنې او جایدادونه یې خپل دي.
د جوزجان د اقچې ولسوالي په بازار کې د لومړي ځل لپاره د غالیو د پراسېس یو مرکز جوړېږي.
د عابد افغان شرکت مشر ذبېحالله زاهد چې دا پروژه عملي کوي، وايي چې دغه مرکز د ۱۵۰ زره امریکايي ډالرو په ارزښت چې د کډوالو په چارو کې د ملګرو ملتونو عالي کمېشنرۍ UNHCR لهخوا ورکول کېږي، پر دوه زره متره مربع ځمکې په دوو پوړونو کې جوړېږي.
کابل ته له سوېلي ولایتونو بېځایه شوې سلګونه کورنۍ د ژمي په رارسېدو سره له حکومت او مرستندویه بنسټونو څخه د بېړنیو مرستو غوښتنه کوي.
د ۲۰۲۲ کال د روان کرېکټ شل اووره نړیوال جام سیالیو په لړ کې نن د اسټرالیا کرېکټ ملي لوبډلې د ۴۲ منډو په توپیر ایرلنډ ته ماته ورکړه.
د زابل محلي مسوولان وايي چې دغه ولایت کې د واده د ورا د یوه موټر د ټکر له امله ۳۰ کسان ټپیان شوي دي.
د مخکي حکومت پرمهال د ملي روغې جوړې عالي شورا رییس عبدالله عبدالله نن (دوشنبه، لړم نهمه) پر خپله فېسبوکپاڼه لیکلي چې د افغانستان لپاره د امریکا له ځانګړي استازي توماس وېسټ سره یې ټیلیفوني خبرې کړې دي.
پاکستاني رسنیو نن دوشنبه د لړم نهمه راپور ورکړی چې د دغه هېواد په ګوجرانواله کې د صدف نعیم په نوم یوه خبریاله د لاریون پرمهال د عمرانخان د لارۍ موټر لاندې شوې او مړه شوې ده.
د افغانستان پر بیارغونې د امریکا د څار ځانګړې ادارې یا سیګار مشر ویلي، افغانستان کې د مسلکي پولیسو نه موجودیت لامل شوی چې له ښځو سره ناسم چلن وشي.
د دې ادارې رییس جان سوپکو ایټالیا کې یوې غونډې ته د وینا پر مهال، د اسلامي امارت غړي خپلسري بللي او هغوی یې له نجونو او ښځو سره پر نامسلکي چلن تورن کړي دي. بلهخوا یوشمېر افغانان هم شکایت کوي چې پولیس ورسره پر لویو لارو او ښار کې مسلکي چلن نه کوي.
پکتیا کې یوشمېر معلولان نیوکه کوي چې مالي حقوق یې پر خپل وخت نه ورکول کېږي چې له امله یې له ګڼو اقتصادي ستونزو سره مخ دي.
دوی نن مرکز ګردېز ښار کې یوې غونډې ته ویلي، د تېر حکومت پر مهال ورته ټاکل شوي حقوق چې هر کال به معلولانو ترلاسه کول، اوس په بېلابېلو پلمو ځنډېږي او دوی یې سختو ستونزو سره مخ کړي دي.
د کابل په لوېدیځ د دشتبرچي سیمې یوشمېر اوسېدونکي وايي چې سرپرست حکومت دوی د خپلو کورونو د دروازو پر سر د امنیتي کمرو لګولو ته اړ کړي دي.
د دشتبرچي اوسېدونکی عبدالهادي امیني سلاموطندار ته وايي چې حکومت د یادې سیمې یوشمېر اوسېدونکي اړ کړي، څو د خپلو کورونو دروازو او ودانیو پر سر امنیتي کمرې فعالې کړي.
