له هغه وروسته چې د تېرې یکشنبې په ورځ کندهار کې د سپینبولدکـچمن پر دروازې د یوه ناڅرګنده وسلهوال کس له لوري پر پاکستاني ملېشو برید کې یو پاکستانی ووژل شو او څو نور ټپیان شول، د دواړو لوریو ترمنځ وسلهواله نښته هم وشوه او یاده لاره وتړل شوه.
د هرات امنیتي مسوولان وايي چې دغه ولایت کې هغه درې کسان نیول شوي چې نورو ته به یې واده شوې مېرمنې په نکاح کولې.
هلمند کې یوشمېر لیکوالان، تاریخپوهان او فرهنګپال وايي چې د دغه ولایت د بُست تاریخي کلا او نور لرغوني ابدات د نړېدو له ګواښ سره مخ دي.
د پروان محلي مسوولان وايي چې د مرکز چاریکار ښار اړوند ۱۱مه حوزه کې د ۴۰۰زره امریکايي ډالرو په ارزښت د یوه ښوونځي د رغېدو ډبره کېښودل شوه. د پروان د والي ویاند عبیدالله امینزاده سلاموطندار ته وايي، د دغه ښوونځي د رغولو چارې د کډوالو په چارو کې د ملګروملتونو د عالي کمېشنرۍ له لوري پرون پیل شوې.
د لغمان محلي مسوولان وايي چې دغه ولایت کې د کور د چت پرېوتو له امله د یوې کورنۍ درې غړي مړه شوي او یو بل ټپي دی.
د هلمند محلي مسوولان وايي چې د دغه ولایت په موسیقلعه ولسوالي کې د اوبو ژورې څاه ته لوېدلی ماشوم ژغورل شوی دی.
د یاد ولایت د مسوولانو په وینا، دغه ماشوم پرون ناوخته د موسیقلعه ولسوالي په «لوی تل» سیمه کې ژورې څاه ته لوېدلی و چې بېګاه شپه ناوخته ژغورل شوی دی.
د پاکستان پرځول شوی مخکینی لومړی وزیر عمرانخان وايي چې نوموړی له دې وروسته د خپل حکومت پرځېدو کې امریکا نه تورنوي.
د هرات محلي چارواکي وايي چې دغه ولایت کې ۵۵۰ نجونې او هلکان د مسلکي زدهکړو له یوه مرکز نه فارغ شول. د دوی په وینا، دغه پروګرام شپږ میاشتې مخکې د «هېلپ-Help» موسسې له لوري پیل شوی او نن پای ته ورسېده.
د هرات د مرکزي سیلو مسوولان وايي، د هرات سیلو د کابل او بلخ سیلوګانو له فعالېدو وروسته درېیمه سیلو ده چې نن له پنځلس کلن ځنډ وروسته بیا پرانېستل شوه او فعالیت یې پیل کړ.
د اسلامي امارت ځواکونو او پاکستانۍ ملېشو پرون غرمه د کندهار په سپینبولدک کې د ډیورنډ پر فرضي کرښې لګېدلې دروازې سره د لنډمهال لپاره جګړه وکړه.
د دې پېښې یوه عیني شاهد د نوم نه ښودلو په شرط سلاموطندار ته ویلي چې یوه کس د اسلامي امارت ځواکونو په جامه کې پر پاکستانۍ ملېشو برید وکړ.
په تازهګۍ سره د ا.ا ویاند ذبېحالله مجاهد ویلي چې مشر یې هبتالله اخندزاده د قاضیانو په یوه غونډه کې هغوی ته سپارښتنه کړې چې ټولنه کې حد او قصاص جاري کړي. د اسلامي امارت د مشر له سپارښتنه وروسته د سترې محکمې مسوولانو وايي چې د دغه سپارښتنه بشپړ عمليکېدو ته چمتووالی لري.
د فاریاب محلي مسوولان وايي چې د دغه ولایت په خانچهارباغ ولسوالي کې یوې نجلۍ ځان وژنه کړې ده.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
وروسته له هغې چې د انګلستان د کرېکټ ملي لوبډلې د شل اووره نړیوال جام په پایلوبه کې پاکستان ته ماته ورکړه، د انګلستان د ورو توپ اچوونکي عادل رشید پلار وايي چې دواړه لوبډلې د دوی وې.
له تېرې ورځې راهیسې د واورې ورښت او سختو توپانونو له امله د غورـ کابل لویه لاره د مسافرو پرمخ تړل شوې ده.
هغه مسافر چې پر دغه لویه لاره د «بکک» کوتل کې ګیرپاتې وايي چې بېړنۍ مرستې ته اړتیا لري. دوی زیاتوي چې د یاد کوتل دواړو غاړو ته د ګيرپاتې مسافرو شمېر ۱۵۰ کسانو ته رسېږي چې ښځې او ماشومان هم پهکې دي.
د تخار مرکز تالقان ښار کې یوشمېر ځوانانو د کتاب لوستنې او مطالعې عامولو په موخه د «اغېزناکې مطالعې» تر عنوان لاندې د کتابونو یو نندارتون جوړ کړ.
