د فاریاب محلي مسوولان وايي چې د دغه ولایت په خانچهارباغ ولسوالي کې یوې نجلۍ ځان وژنه کړې ده.
د فاریاب د اطلاعاتو او فرهنګ رییس شمسالله محمدي سلاموطندار ته ویلي چې دغه نجلۍ زرغونه نومېده او ۱۸ کاله عمر یې درلود. د فاریاب د اطلاعات او فرهنګ رییس په وینا، یادې نجلۍ د یوه پړي په وسیله ځان زړولی او ژوند ته یې د پای ټکی ایښی دی.
په ورته مهال شمسالله محمدي زیاته کړې چې تراوسه د یادې پېښې انګېزه نه ده معلومه، خو زیاتوي چې په دې اړه څېړنې روانې دي.
دا په داسې مهال دی چې دوه ورځې وړاندې د دغه ولایت د مرکز میمنې ښار دویمې ناحیې اړوند سیمه کې یوې شپږ کلنې نجلۍ په تېروتنه په وسلې ځان وژلی و.
سلاموطندار پر ټویټر هم وڅارئ
همداراز تېره شپه د کاپیسا تګاب ولسوالي کې هم یوه ۱۴ کلن ځوان هم ځان وژنه کړې وه. د دغه ولایت د امنیې قومنداني ویاند عبدالفتاح فائز سلاموطندار ته ویلي و چې یوه ۱۴ کلن هلک د تګاب ولسوالي په سیدخېلو سیمه کې د انارو ونه کې ځان را ځړولی او خپل ژوند ته یې د پای ټکی ايښی دی.
