خېبرپښتونخوا کې پر پاکستاني پوځیانو ځانمرګی برید شوی
پاکستاني رسنیو نن (سهشنبه د لیندۍ لومړۍ) راپور ورکړی چې پرون دوشنبه د دغه هېواد د خېبرپښتونخوا په سوېل ټانګ سیمه کې د پاکستان د پوځ د موټرو پر یوه کاروان ځانمرګی برید شوی دی.
پاکستاني رسنیو نن (سهشنبه د لیندۍ لومړۍ) راپور ورکړی چې پرون دوشنبه د دغه هېواد د خېبرپښتونخوا په سوېل ټانګ سیمه کې د پاکستان د پوځ د موټرو پر یوه کاروان ځانمرګی برید شوی دی.
د افغانستان بانک وايي چې د افغانیو ارزښت ساتنې او ثبات په موخه سبا چهارشنبه د لیندۍ دویمه د داوطلبۍ له لارې ۱۷ میلیونه امریکايي ډالر د لیلام په توګه بازار ته وړاندې کوي.
د پروان محلي مسوولان وايي چې دغه ولایت کې یوه کس په ښکاري ټوپک خپل ورور ویشتلی او وژلی یې دی.
د پکتیا له بېلابېلو ولسوالیو څخه سلګونه کسانو نن په ډنډپټان ولسوالي کې د پاکستان پر ضد لاریون کړی چې لا هم روان دی. دغه لاریون په یاده ولسوالي کې د پاکستاني ملېشو له لوري د ملکیانو پر کورونو د بریدونو په غبرګون کې شوی دی. لاریون کوونکو پر افغان خاوره د پاکستان بریدونه غندلي او له دغه هېواد یې غوښتي چې له خپل تیري لاس واخلي.
د اسلامي امارت د بهرنیو چارو وزارت په اندونیزیا کې د شوې زلزلې له امله د دغه هېواد حکومت او د قربانیانو له کورنیو سره خواخوږي څرګنده کړې ده.
د تخار امنیتي مسوولان وايي چې د دغه ولایت په دشتقلعه ولسوالي کې چاودنه شوې ده.
د ژمي په رانږدې کېدو سره افغانستان کې د بشري ناروین د ژورتیا په اړه د اندېښنو په لړ کې د ماشومانو لپاره د ملګروملتونو ملاتړې ادارې (یونېسف) ویلي، راروان ژمي کې به له ۱۱۱زره اړمنو کورنیو سره نغدي مرسته وکړي. دا په داسې مهال دی چې پرون د سره صلیب نړیوال کمېټې ویلي، افغانستان کې ۲۰ میلیونه کسان د خوړو له جدي کمښت سره مخ دي.
د کابل امنیتي مسوولانو د کابل د څلورمې امنیتي حوزې اړوند په «پروانسه» سیمه کې چاودنه تایید کړه.
د کابل د امنیې قومانداني ویاند خالد ځدران سلاموطندار ته ویلي چې دې چاودنه کې یو کرولا ډوله موټر په نښه شوی دی.
د غزني د اطلاعاتو او کلتور ریاست مسوولان وايي، د غزنویانو سلطنت د یوه ځواکمن پاچا سلطان مسعود غزنوي قبر چې د دغه ولایت په شمالختیځ کې دی، بیارغونې ته اړتیا لري.
د روغتیا نړیوال سازمان د افغانستان برخې د مېکروبونو ضد او انټيبیوټیک درملو د کارونې په اړه د پوهاوي ورکولو اوونۍ په مناسبت پر ټویټر لیکلي: «د انټيبیوټیک ډېر کارول د انسانانو په بدن کې د مقاومت جوړولو لامل کېږي او افغانستان کې په بېمخینې توګه د انټيبیوټیکو کارول د انسانانو روغتیا ته ګواښ پېښوي.»
د افغانستان د ازادو رسنیو د ملاتړ ټولنې یا نی نن د ټلوېزیون نړیوالې ورځې په مناسبت یوه خبرپاڼه کې لیکلي چې هېواد کې د اسلامي امارت له واکمنېدو وروسته د افغانستان ۵۰ سلنه ټلوېزیونونو خپل نشرات درولي دي.
د نومبر یوویشتمه د ټلوېزیون نړیوالې ورځې په نوم یادېږي او د تېرو کلونو پر مهال به دا ورځ افغانستان کې هم په ځانګړو مراسمو نمانځل کېدله.
د کابل یوشمېر ښاریان وايي چې له تېرې یوې اوونۍ راهیسې د برښنا پرچاوي زیاته شوې چې له امله یې له ګڼو ستونزو سره مخ کړي دي.
د پکتیا ډنډپټان ولسوالي کې له تېرو نهو ورځو راهیسې د اسلامي امارت ځواکونو او پاکستاني ملېشو ترمنځ درې ځلې پرلهپسې وسلهواله نښتې شوي دي. د یادې سیمې اوسېدونکي وايي چې د پاکستاني ملېشو له لورې د ملکیانو پر کورونو د درنو وسلو بریدونه هم شوي چې له امله یې سلګونه کورنۍ د خپلو مېنو پرېښودو ته اړ شوي دي.
د اندونیزیا لوېدیځ جاوا ښار کې نن دوشنبه د لړم ۳۰مه د ریکټر په کچه ۵.۶ درجې زلزلې ۲۰ کسان مړه کړي او ۳۰۰ نور یې ټپیان کړي دي.
د فاریاب محلي مسوولان وايي چې دغه ولایت کې یوې نجلۍ زهر خوړلي او ژوند ته یې د پای ټکی ايښی دی.
د بغلان د امنیې قومنداني ویاند او د رسنیو برخې مسوول شېراحمد برهاني سلاموطندار ته ویلي چې دغه ولایت کې سیند ته د یوه موټر د لوېدو له امله پنځه کسان مړه او یو بل کس ټپي شوی دی.