د غزني د اطلاعاتو او کلتور ریاست مسوولان وايي، د غزنویانو سلطنت د یوه ځواکمن پاچا سلطان مسعود غزنوي قبر چې د دغه ولایت په شمالختیځ کې دی، بیارغونې ته اړتیا لري.
د غزني د اطلاعاتو او کلتور رییس حمیدالله نثار سلاموطندار ته ویلي چې یاد قبر د دغه ولایت د مهمو تاریخي ځایونو له ډلې یو دی، خو اړتیا ده چې ورغول شي.
هغه د اسلامي امارت د اطلاعاتو او کلتور وزارت او دغه راز د اسلامي نړۍ له فرهنګي سازمانونو غواړي چې غزني کې د سلطان مسعود غزنوي او ورته نورو تاریخي ځایونو ساتنې او بیارغونې ته پام وکړي.
د سلاموطندار پښتو فېسبوکپاڼه وڅارئ
غزنی لسګونه تاریخي او لرغوني ځایونه لري او ډېری یې د غزنویانو واکمنۍ اړوند دي، خو یوشمېر هغه یې بیارغونې او د مسوولانو پاملرنې ته اړتیا لري.
