پروان کې د «ګلیم اوبدلو» صنعت له رکود سره مخ دی
د پروان د غوربند درې اوسېدونکي له کلونو راهیسې د مالدارۍ ترڅنګ، د ګلیم «ټغر» اوبدنې پر صنعت بوخت دي او له دې لارې د خپل ژوند اړتیاووې پوره کوي.
د پروان د غوربند درې اوسېدونکي له کلونو راهیسې د مالدارۍ ترڅنګ، د ګلیم «ټغر» اوبدنې پر صنعت بوخت دي او له دې لارې د خپل ژوند اړتیاووې پوره کوي.
هېواد کې یوشمېر سوداګرې ښځې وايي چې د اسلامي امارت له بیا واکمنېدو راهیسې یې کاروبار خراب شوی دی.
دغو سوداګرو مېرمنو سلاموطندار ته وویل چې د اسلامي امارت له واکمنۍ مخکې به یې یوشمېر هېوادونو ته خپل سوداګریز توکي لېږل، خو اوس یې کاروبار خورا محدود شوی دی.
څه باندې پنځه میاشتې کیږي چې کابل او ولایتونو کې د پاسپورټ وېشلو بهیر ځنډول شوی دی. د پاسپورټ عمومي ریاست د پاسپورټونو د وېش بهیر د ځنډېډو لامل تخنیکي ستونزې بولي.
د بهرنیو چارو وزارت د پاکستان د خېبرپښتونخوا ایالت د پولیسو مرکز اړوند یوه جومات کې شوې چاودنې ته په غبرګون کې د دغه هېواد حکومت او د قربانیانو کورنیو سره خپله خواخوږي ښودلې او یاد برید یې غندلی دی. دغه برید پرون دوشنبه ۱:۴۰ بجې هغه مهال په یاد جومات کې رامنځته شوی چې خلک پر لمانځه ولاړ وو.
د بلخ محلي مسوولان وايي چې د دغه ولایت په چهارکنټ ولسوالي کې د یوه کور چت پرېوتو له کبله څلور کسان مړه او ۱۸ نور ټپیان شوي دي.
د احصایې او معلوماتو ملي ادارې نن سهشنبه د سلواغې یوولسمه پر خپله ټوېټرپاڼه لیکلي چې د برښنايي پېژندپاڼې د لا اعتبار په موخه یې د برښنايي پېژندپاڼې د کارټ پر مخ د ولسوالي نوم او د اعتبار نېټه اضافه کړي دي.
د پاکستان د خېبرپښتونخوا ایالت د پولیسو مرکز اړوند یوه جومات کې شوې پرونۍ چاودنې له امله د وژل شویو کسانو شمېر ۹۲ ته لوړ شوی دی. د دغه روغتون ویاند محمدعاصم رسنیو ته ویلي، د چاودنې پر ورځ یاد روغتون ته ۱۵۸ ټپیان وروړل شوي و چې ډېری یې له درملنې وروسته رخصت کړي دي.
د تقاعد شویو د ملي ورځې رارسېدو سره هممهاله، یوشمېر تقاعد شوي پولیس د بېوزلۍ او اقتصادي ستونزو له امله شکایت کوي.
دوی وویل، د څه باندې دوو کلونو په تېرېدو یې لاهم د تقاعد حقوق نه دي ترلاسه کړي او بېلابېلو ستونزو سره مخ دي.
پکتیکا کې یوشمېر بېځایه شوې کورنۍ وایي، روان سوړ ژمي کې د اوسېدو لپاره سرپناه نهلري او زیاتره هغوی خیمو او د ځمکې لاندې تلخونو کې ژوند کوي چې سختو ستونزو سره مخ دي.
د عامې روغتیا وزارت مسوولان وايي چې د روان کال له پیله تر اوسه ۳،۳ میلیونه افغان ماشومان پر خوارځواکۍ اخته شوي دي. په دې ډله کې، یو میلیون او ۱۰۰ زره ماشومان پر سختې خوارځواکۍ او دوه میلیونه او ۲۰۰ زره نور هم د منځنۍ کچې پر خوارځواکۍ اخته شوي دي.
د مالیې وزارت اعلان کړی چې د دغه وزارت د وړاندیز او د اسلامي امارت د مشر هبتالله اخندزاده د «مهربانۍ» پر بنسټ یې د ټولو مالیه ورکوونکو اضافي مالياتي جریمې بښلي دي.
د امریکا د بهرنیو چارو وزارت په یوې خبرپاڼه کې ویلي چې د افغانستان لپاره د دغه هېواد ځانګړی استازی توماس وېسټ پاکستان، المان او سویس ته سفر کوي.
د امریکا د بهرنیو چارو وزارت په خبرپاڼه کې راغلي چې دغه سفر د جنورۍ ۲۹مې نېټې څخه پیل شوی او د فبرورۍ تر څلورمې به دوام ولري.
د انګلستان او سوېلي افریقا د کرېکټ ملي لوبډلو ترمنځ د ۲۰۲۳ کال د یو ورځنیو سیالیو نړیوال جام ته د لارموندنې یا «سوپرلیګ» سیالیو په لړ کې سوېلي افریقا په دوو پرلهپسې لوبو کې انګلستان ته ماته ورکړه.
سوېلي افریقا لوبډلې بېګانۍ لوبه کې د ټېمبا بافووما د سلیزې پر مټ انګلستان ته په پنځو وېکټو ماته ورکړه.
بدخشان کې د نورالهدا په نوم یوه پنځلس کلن تنکي ځوان ځان وژلی دی. د دغه ځوان خپلوان سلاموطندار ته ویلي چې هغه د شنبې په سهار د بدخشان د مرکز په فیضاباد ښار کې د موږکو د مړینې درمل خوړلي او خپل ژوند ته یې د پای ټکی ايښی دی. د نوموړي د خپلوانو د خبرو پر بنسټ، یو ارام هلک و او له کوم ځانګړي لامل پرته یې ځان وژلی دی.
له شپږم ټولګي پورته یوشمېر نجونې زدهکوونکې د زدهکړو د دوام په اړه د اندېښنې په څرګندولو سره وايي، خپلې تحصیلي راتلونکې ته ناهیلې شوي دي.
دوی سلاموطندار ته وايي، تمه یې لرله چې بېلابېلو څانګو کې لوړې زدهکړې وکړي، خو د هغوی پرمخ د پوهنتونونو تړل کېدو او د ۱۴۰۲ کال کانکور ازموینې څخه د نجونو راګرځولو اندېښمنې کړي دي.
راسموس پالودان چې سویډن کې د ترکیې سفارت مخې ته د قران یوه نسخه سوځولې وه، تېره ورځ یې د ډنمارک پلازمېنې کوپنهاګن کې د یوه جومات مخې ته د قران یوه بله نسخه هم سوځولې ده.
دغه سیاستوال د روانې جنورۍ په ۲۱مه هم سویډن کې د ترکیې سفارت مخې ته د قرانکریم یوه نسخه سوځولې وه.