د اطلاعاتو او فرهنګ وزارت د ځوانانو چارو معین وايي چې هېواد کې دا مهال د ۴،۵ میلیونه لوستو ځوانانو له ډلې څخه ۳،۵ میلیونه یې دندې نهلري او وزګاره دي.
د ځوانانو چارو معین محمدیونس راشد دغه څرګندونې نن سهشنبه د سلواغې ۲۵مه هلمند ته د خپل سفر پر مهال یوې غونډې ته کړې دي.
د پاکستان د کرېکټ غوره لیګ «پياېساېل» سیالي بېګاه د دغه هېواد په ملتان ښارکې پیل شوې. د دغه لیګ کې پرانېسته لوبه کې لاهور قلندرز لوبډلې سلطان ملتانز ته ماته ورکړه.
د فاریاب روغتیايي مسوولان وايي چې یوې ښځې د دغه ولایت په المار ولسوالي کې څلور ماشومان زېږولي دي.
فاریاب کې د ۳۰۰بستریز روغتون رییسه فوزیه سلیمي وايي، دغې ښځې نن سهار د المار ولسوالي په کلینیک کې څلور ماشومان چې ټولې نجونې دي، زېږولي دي.
د افغانستان لپاره د ملګرو ملتونو د ځانګړې استازولۍ یا یوناما مشره روزا اوتونبایوا وايي، افغانستان کې پر ښځو او نجونو د اسلامي امارت لګېدلي محدودیتونه افغانانو ته د بشري مرستو رسولو بهیر اغېزمنوي.
د اسلامي امارت ویاند ذ.بېح الله م.جاهد پر ټویټر لیکلي چې ځواکونو یې نن ماښام د کابل ښار په کارتهنو سیمه کې د داعشیانو پر یوه پټنځای عملیات پیل کړي دي.
د نوموړي په وینا، تر اوسه یوشمېر داعشیان وژل شوي، خو په وینا یې، سیمه کې د ګڼهګوڼې له کبله عملیات په ځنډ روان دي.
نن د سلواغې ۲۴مه او د فبروري ۱۳مه د راډیو نړیواله ورځ ده. دا ورځ نن د سلام افغانستان موسسې (سلاموطندار راډیو) په دفتر کې د افغانستان لپاره د ملګرو ملتونو د سرمنشي د ځانګړې استازې روزا اوتونبایوا، د افغانستان لپاره د یونسکو رییسې پاتریشیا مک فیلپس او د سلاموطندار راډیو د مسوولانو، خبریالانو او کارکوونکو په ګډون ونمانځل شوه.
نن د فبروري دیارلسمه د راډیو له نړیوالې ورځ سره برابره ده. دغه ورځ داسې مهال رارسېږي چې په تازهګۍ سره هرات کې د «سحر» په نوم د ښځو ځانګړې محلي راډیو د مالي ستونزو او محدودیتونو له امله خپل فعالیتونه درولي دي.
ترکیه او سوریه کې د شوې زلزلې له کبله د مړو شویو کسانو شمېر له ۳۶۰۰۰ اوښتی دی. د رسنیو د راپورونو له مخې، لا هم د ویجاړو شویو ودانیو تر خاورو لاندې د ژوندیو کسانو د لټون هڅې روانې دي.
نن د سلواغې ۲۲مه/د فبروري ۱۳مه، د راډیو نړیواله ورځ ده. د افغانستان د ازادو رسنیو د ملاتړ ټولنې یا نی په یوه خبرپاڼه کې لیکلي، سږ کال داسې مهال د راډیو نړیواله ورځ نمانځل کېږي چې افغانستان کې نږدې نیمايي راډیوګانې له فعالیته لوېدلې دي. د نی د شمېرو له مخې، افغانستان کې د ۳۰۷ راډیوګانو له ډلې اوس له ۱۷۰ کمې راډیوګانې فعالې دي.
د بدخشان محلي مسوولان وايي چې د دغه ولایت د واخان ولسوالي ورک کلي کې یې هغه واورین پړانګ بېرته ازاد کړی چې د خلکو لهخوا نیول شوی و.
د سارک خبریالانو ټولنې یوه خبرپاڼه کې د سارک له غړیو هېوادونو، په ځانګړې توګه پاکستان څخه غوښتي چې هلته د ورغلیو افغان خبریالانو لاسنیوی وکړي.
دې ټولنې په افغانستان او له هېواده د بهر افغان خبریالانو ملاتړ کړی او زیاته کړې یې ده چې د سارک غړي هېوادونه هم باید پر افغان خبریالانو د فشار راوړلو پر ځای، د هغوی ملاتړ وکړي.
د ترکیې د هاتای ښار په اواکینټ سیمه کې وروستۍ زلزلې د زرګونو ترکانو ترڅنګ، سلګونو افغانانو ته هم د مرګژوبلې تر څنګ، مالي زیانونه اړولي دي.
دغه زلزلهځپلي افغانان چې له کلونو راهیسې په یاده سیمه کې اوسېږي، وايي چې وروستۍ زلزلې ورته ځاني او مالي زیانونه اړولي دي.
د روزګان یوشمېر ځوانان وايي چې د دغه ولایت له دولتي ادارو ګڼشمېر پر کار پوه ځوانان له دولتي ادارو کوښه کړل شوي او پر ځای یې د اسلامي امارت اړوند کسان ګومارل شوي دي.
په ترکیه او سوریه کې د تېرې اوونۍ د زلزله له امله د مړو شویو کسانو شمېر له ۲۹۰۰۰ اوښتی دی. ۲۴۶۱۷ کسان په ترکیه او ۴۵۰۰ کسان بیا سوریه کې د زلزلې له امله خپل ژوند له لاسه ورکړی دی.
د جوزجان-بلخ پر لویه لاره د ټرافیکي پېښې له کبله یوه کس خپل ژوند له لاسه ورکړی او درې نور کسان ټپیان شوي دي.
د جوزجان د فیضاباد ولسوالي د امنیې قومندان کفایتالله متوکل سلاموطندار ته ویلي چې پېښه د کرولا ډوله او پلنګکوچ موټرو ترمنځ د ټکر له امله رامنځته شوې ده.
د افغانستان بانک نن یکشنبه د سلواغې ۲۳مه پر خپله ټوېټرپاڼه لیکلي چې افغانستان سره د بشردوستانه مرستو په لړ کې نن د ۴۰ میلیونه نغدي مرستو یوه بله کڅوړه کابل ته راورسېده.
د تېرې اوونۍ د چهارشنبې پر ورځ د سلواغې ۱۹مه له نږدې یو میاشتني ځنډ وروسته د نغدي مرستو ۴۰ میلیوني ډالرو یوه کڅوړه کابل ته رالېږدول شوې وه.
