د افغانستان بانک سبا څوارلس میلیونه ډالر لیلاموي
د افغانستان بانک وايي چې د «افغانۍ» پولي ارزښت د ساتلو او ثبات په موخه به سبا د وري نهمه، د چهارشنبې ورځ څوارلس میلیونه امریکايي ډالر د یوې داوطلبۍ له لارې لیلام کړي.
د افغانستان بانک وايي چې د «افغانۍ» پولي ارزښت د ساتلو او ثبات په موخه به سبا د وري نهمه، د چهارشنبې ورځ څوارلس میلیونه امریکايي ډالر د یوې داوطلبۍ له لارې لیلام کړي.
د فاریاب امنیتي مسوولان وايي چې ناپېژنده وسلهوالو په دغه ولایت کې یو کروندګر وژلی دی.
د فاریاب د امنیې قومانداني ویاند حمیدالله بتشکن سلاموطندار ته ویلي چې دا پېښه د وري په اوومه، دوشنبې د دغه ولایت د پښتونکوټ ولسوالي په «خوشباني» سیمه کې شوې ده.
کندهار کې یوشمېر مېرمنې وايي چې موټرچلوونکي ښار کې د تګراتګ پر مهال دوی د موټر په ډاله کې سپروي.
د کندهار یوه ۲۸ کلنه اوسېدونکې بيبي نوریه چې په قابلګي څانګه کې یې لوړې زدهکړې کړي وايي، له کلونو راهیسې اړ اېستل کېږي چې ښار کې د تګراتګ پر مهال د موټر په ډاله کې کېني.
داعش وسلهوالې ډلې بهرنیو چارو وزارت ته نږدې د پروني ځانمرګي برید مسوولیت منلی دی. د داعش ډلې اړوند اعماق خبري اژانس ویلي چې کابل ښار کې د بهرنیو چارو وزارت ته نږدې شوی ځانمرګی برید د دې ډلې یوه غړي کړی دی. پرون دوشنبه ماسپښین شاوخوا یوه بجه د بهرنیو چارو وزارت ته نږدې چاودنه وشوه.
د عامې روغتیا وزارت مسوولان وايي چې هر کال په ټول هېواد کې ۷۵ زره کسان پر نري رنځ ناروغي اخته کېږي او په روان کال کې یې کچه درې سلنه زیاته شوې ده.
د دغه وزارت ویاند شرافت زمان وايي: «زموږ د شمېرو له مخې، پر نري رنځ د اخته کسانو شمېر درې سلنه زیات شوی دی.
د کابل ښاروالي مسوولانو نن (د وري میاشتې اوومه، د دوشنبې ورځ) په یوه خبري غونډه کې چې د دې ادارې د ۱۴۰۱ کال د لاستهراوړنو شریکولو په موخه جوړه شوې وه، وویل چې د ښاري زېربناوو جوړېدو، خلکو ته د ښاري خدمتونو وړاندې کولو، پلانجوړونې او ښاري پراختیا، کلتوري او ټولنیزو برخو او د عوایدو راټولولو برخه کې ښې لاستهراوړنې لري.
پېښو ته د رسېدو په چارو کې د دولت وزارت مسوولان وايي چې د تېرې یوې میاشت پرمهال له جګړو څخه د پاتې ناچاودو توکو د چاودنې له امله ۳۰ کسان وژل شوي چې ډېری یې ماشومان دي.
د کورنیو چارو وزارت پر خپله ټوېټرپاڼه لیکلي چې د کابل د دویمې امنیتي حوزې اړوند ملک اضغر څلور لارې کې د پولیسو چکپواینټ ته نږدې موخې ته له رسېدو مخکې د امنیتي ځواکونو له لوري په نښه شوی او وژل شوی دی.
پېښه نن دوشنبه د وري اوومه له غرمې وروسته رامنځته شوې ده. یاده سیمه د بهرنیو چارو وزارت ته په څو قدمۍ کې پرته ده.
د پاکستان پر وړاندې په شل اووره نړیوالو لوبو کې د افغانستان د دوو پرلهپسې بریاوو وروسته نن شپه دواړه لوبډلې وروسته شل اووره لوبه کوي.
ټاکل شوې چې دغه سیالي نن شپه د افغانستان پر وخت ۸:۳۰ بجې د متحده عربي اماراتو په شارجه لوبغالي کې ترسره شي.
د دایکندي امنیتي مسوولان وايي، دغه ولایت کې د یوې ټرافیکي پېښې پرمهال دوه کسان مړه او اته نور ټپیان شوي دي.
د دایکندي د امنیې قومنداني د رسنیو دفتر نن دوشنبه د وري اوومه په یوې خبرپاڼه کې ویلي، د دغه ولایت د شهرستان ولسوالي په «غاسور» کې د یوه ټونس ډوله موټر چپهکېدو له امله د ښځې په ګډون دوه کسان مړه او اته نور ټپیان شوي دي.
د افغانستان پر وړاندې د پاکستان د کرېکټ ملي لوبډلې له تاریخي ماتې وروسته د دغه هېواد د کرېکټ ملي لوبډلې لوبډلمشر شاداب خان یوې خبري ناسته کې ویلي، که یې لوبه ګټلې وه، نو د یوه لوبډلمشر په توګه به یادېده.
د فاریاب امنیتي مسوولانو سلاموطندار ته ویلي چې د دغه ولایت په دولتاباد ولسوالي کې دوو کورنیو د څړځای پر سر شخړه کړې چې له کبله یې درې کسان وژل شوي دي. دا پېښه پرون د دولتاباد ولسوالي په «شور دریا» سیمه کې شوې ده.
د امریکا د ولسي جرګې د بهرنیو اړیکو کمېټې رییس مایک مککال له بهرنیو چارو وزارت نه غوښتي چې له افغانستانه په بیړه د وتلو سندونه ورسره شریک کړي. د نړیوالو مسایلو څېړونکی نظیراحمد رزاقي بیا وايي چې د چین ځواکمنېدو او پر اوکراین د برید لپاره د روسیې چمتووالي د امریکا د بهرني سیاست لومړیتوب بدل او له افغانستان څخه یې د وتلو لامل شو.
هېواد کې د ښځو او نجونو د کار او زدهکړو ځنډېډو څخه وروسته ګڼشمېر مېرمنو او نجونو په خپلو کورونو کې د لاسي صنایعو او نورو توکو د تولید برخه کې ځانته بوختیا پیدا کړې ده.
کندهار هم له هغو ولایتونو دی چې ټولنه کې پر ښځو له محدودیتونو وروسته، يوشمېر مېرمنو خپلو کورونو کې د لاسي صنایعو تولید ته مخه کړې ده.
د کابل یوشمېر اوسېدونکي وايي، د روژې میاشتې له پیله د پلازمېنې بازارونو کې د «سبزي» په ځانګړې توګه د پیازو بیې لوړې شوې چې خلک یې د پېرلو توان نهلري.
دوی سلاموطندار ته وايي، دا مهال د کابل بازارونو کې د یوه من پیازو بیه تر ۶۰۰ افغانیو ده چې په وینا یې، شته وزګارتیا او بېوزلۍ ته په کتو، پېر یې د بېوزلو له توان وتلې ده.
د ترکیې د کډوالۍ ادارې ویلي چې د تېرې یوې اوونۍ پر مهال یې د ۵۹۸ افغان کډوالو په ګډون له دغه هېواد څخه ۲۰۱۸ ناقانونه کډوال شړلي دي.
یادې ادارې شنبهشپه د وري پنځمه په یوې خبرپاڼه کې ویلي چې دغه کسان د وروستۍ یوې اوونۍ په ترڅ کې له یاد هېواد څخه ایستل شوي دي.