په هند کې د پولنډ سفارت وايي، ياد هېواد تېره اوونۍ افغانستان ته يو شمېر د افغانيو نوي چاپ شوي بانک نوټونه ورکړل او نور به يې د ۲۰۲۲ کال تر پايه وسپاري.
په نوې ډېلي کې د پولنډ له سفارته په خپره شوې خبرپاڼه کې راغلي، ۲۰۲۰ کال کې چې د (PWPW) شرکت او افغانستان ترمنځ کومه هوکړه شوې د هغې له مخې ۳۸۰ ميليونه افغانۍ نوي بانک نوټونه چاپېږي. نويو بانک نوټونو کې لسګونان، شلګونان، پنځوسيان او سلګونان شامل دي.
د افغان خبریالانو خوندیتوب کمېټې په تازه راپور کې ویلي، په ۲۰۲۰ کال کې دغې کمېټې د خبریالانو او رسنیو د کارکوونکيو پر وړاندې د تاوتریخوالي ۱۳۲ پېښې ثبت کړي چې د ۲۰۱۹ کال په پرتله ۲۶ سلنه ډېروالی ښيي.
دغې کمېټې په خپل راپور کې ويلي، په دې پېښو کې ټپي کېدل، وهل ټکول، تښتول، ګواښل، غلا او ناوړه چلند شامل دي.
د بشر د حقونو خپلواک کمیسیون وايي، د ځانمرګو بریدونو، چاودنو او وسلهوالو بریدونو په تړاو د حقیقت موندنې کمیسیونونه باید خپلې څېړنې ډاګیزې کړي.
ملت ته د دولت د حساب ورکولو پروګرام په لړ کې نن…
افغانستان کې د ملګرو ملتونو سياسي استازولۍ يا يوناما د «شکنجې راپور» کې ويلي، په افغانستان کې د امنيتي او ترهګريزو مسلو اړوند يو پر درېيمه زندانيان ادعا کوي چې شکنجه او يا يو ډول ناسم چلند ورسره شوی دی.
د يوناما دغه راپور چې نن خپور شوی راغلي، د بندیانو له لوري د افغانستان په زندانونو کې د شکنجې د تورونو کچه لوړه او له زنداني شويو کسانو سره د چلند حقونه په پراخه کچه له پامه غورځول شوي دي.
د ننګرهار د رسنیو دفتر وايي چې ناپېژنده کسانو بېګاه د دغه ولایت په مومندرې ولسوالي کې د «سولې او ازادۍ» سوداګریز انسټېټیوټ سوځولی او تښتېدلي دي.
د ننګرهار د رسنیو دفتر د معلوماتو له مخې، په دې پېښه کې د یاد انسټېټیوټ دوه ټولګي او تجهیزات سوځېدلي او په وینا یې، مسوولو کسانو لګول شوی اور مړ کړی او د عاملانو د پېژندنلو او نیولو هڅې یې روانې دي.
د کرنې، اوبو لګولو او مالدارۍ وزیر انوارالحق احدي نن ملت ته د دولت د حسابورکونې په غونډه کې وویل، سره له دې چې په ګمرګونو کې د پرمختللیو سکنرونو په لګېدو سره به د افغان محصلاتو د قاچاق کچه را ټیټه کړي، خو په یوشمېر ګمرکونو فعال نه دي.
د ولسي جرګې يو غړی وايي، د ملي امنیت شورا سلاکار حمدالله محب خپله مېرمن د ۱۸زرو ډالرو معاش په ورکړې سره خپله سلاکاره ټاکلې ده.
يادې جرګه کې د بدخشان د خلکو استازی عبدالرووف انعامي وايي، د حمدالله محب مېرمن د امريکا ده او د امنيت شورا برخه کې نه کاري تجربه لري او نه هم…
د عامې روغتیا وزارت وايي، کورونا په تېره يوه شپه او ورځ کې په هېواد کې يو کس مړ کړی دی کسان مړه کړي او ۱۲ ولايتونو کې ۶۲ نورې تازه پېښې ثبت شوي دي.
دغه وزارت نن په خپل ورځني راپور کې ویلي، دومره موده کې يې د ۲۰۲۵ شکمنو کسانو نمونې کتلي.
میانمار کې پوځ نن سهار د دغه هېواد د ولسواکۍ ملي ټولنې رهبرې انګسان سوچي پر ضد کودتا کړې ده او د نوموړې په ګډون يې د حکومت مهم لوړ پوړي چارواکي نيولي دي.
د میانمار پوځ چې مخکې یې په تېرو ټاکنو کې د پراخه ټاکنيزو درغلیو تورونو څېړلو غوښتنه کړې وه، په میانمار کې يې پر حاکم دولت کودتا کړې او د ملکي چارواکيو په نیولو سره يې په دې هېواد کې د اضطراري حالت په اعلان سره واک ترلاسه کړ.
د پوځ له لوري په يوه ويډيويي پيغام کې ويل شوي، د دغه هېواد واک د یو کال لپاره لوی درستیز مېنانګ هلاینګ ته لېږدول شوی دی.
شاوخوا پنځه میاشتې وړاندې د قطر په دوحه کې د افغان حکومت او طالبانو ترمنځ د سولې مخامخ خبرې پیل شوې؛ خو تر دې دمه دا خبرې د افغانانو لپاره د منلو وړ پایله نه لري. د دې وضعیت په دوام د ولسي جرګې غړيو د يادې جرګې د رییس میر رحمان رحماني په مشرۍ یو کمیسیون جوړ کړ.
د پکتيا ولايتي مسوولان وايي، په مرکز ګردېز کې د ناامنه سيمو زدهکوونکيو لپاره د ليلې ودانۍ جوړه شوه او ډېر ژر به زده کوونکي ترې ګټه واخلي.
د پکتيا والي محمد حليم فدايي وويل، دغه ودانۍ د ۴۶ ميليونه افغانيو په لګښت په څلورو پوړونو کې د پوهنې وزارت له پرمختيايي بوديجې جوړشوې چې د ۲۸۰ زده کوونکيو د اوسېدو وړتيا لري.
قطر کې د طالبانو د سياسي دفتر وياند محمد نعیم وايي، د طالبانو سیاسي مرستيال او دوحه کې د سياسي دفتر رييس ملاعبدالغني برادر او ورسره پلاوي يې تهران کې د ایران د بهرنیو چارو له وزیر جواد ظریف سره لیدلي دي.
محمد نعيم نن وروسته له غرمې په خپله ټوېټرپاڼه ليکلي، په دغه لیدنه کې دواړو لوریو د افغانستان د حالاتو او بين الافغاني مذاکراتو په اړه، د دوحې د هوکړې په پوره عملي کېدو او افغانستان او سیمې ته د امن او سولې پر اړتيا هم بحثونه وشول.
اروپايي اتحادیه، افغانستان کې د ناټو ملکي استازولۍ او همداراز د امريکايي او اروپايي هېوادونو سياسي استازولۍ وايي، طالبان د ډېری هدفي وژنو او تاوتریخوالي مسوول دي.
کابل کې دغو سياسي استازوليو نن په یوه ګډه خپره کړې خبرپاڼه کې د طالبانو له لوري د عامه تاسیساتو ورانېدل، تاوتریخوالی، د ملکي وګړيو وژل کېدل او هدفي بریدونه په کلکو ټکو غندل شوي دي او ويلي يې دي، د تاوتریخوالي په زیاتېدو افغانستان کې رسنۍ، علما، روغتیا پالان، مدني فعالان او ملکي وګړي…
د عامې روغتیا وزارت وايي، په تېره يوه شپه او ورځ کې د کورونا ۱۳ مثبتې پېښې ثبت شوې دي او د مړينې هېڅ پېښه نه ده ثبت شوې. دغه وزارت نن په خپل ورځني راپور کې ویلي، دومره موده کې يې د ۸۴۰ شکمنو کسانو نمونې کتلي.
د ياد وزارت د معلوماتو له مخې، په همدې موده کې له کورونا ۳کسان بېرته ښه شوي هم دي. د راپور پربسټ، تازه پېښې په ۸ ولايتونو کې ثبت شوې دي.
له هغه وروسته چې ولسمشر غني له موقت حکومت سره مخالفت څرګند کړ اوس د ملي امنیت شورا سلاکار حمدالله محب هم وایي چې موقت حکومت د پردیو لاسوهنې لپاره د دایمي فرصت معنا لري.
د ملي امنیت شورا سلاکار حمدالله محب نن پر خپله ټوېټرپاڼه ليکلي، هغو کسانو چې د سولې له مذاکراتو سره یې هم د مسلمانانو د سر او مال له وهلو لاس نه دی اخیستی، اوس دې پر دې پوه شي چې افغان ملت د ولسواکۍ…
د ننګرهار چارواکي وايي، نن سهار شاوخوا پنځه بجې د دغه ولایت په شېرزادو ولسوالۍ کې د عامه نظم پر یوې قرارګاه موټربم چاودنه شوې. يوه حکومتي سرچينه چې نه غواړي نوم يې خپور شي سلاموطندار ته وايي، په دې چاودنه کې ۱۴ امنيتي ځواکونه وژل شوي او ۴ نور ټپيان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
