د افغانستان کرېکټ ملي لوبډلې نن د سریلانکا له ملي لوبډلې سره خپله درېیمه یوورځنۍ پنځوساوریزه لوبه وکړه.
په دې لوبه کې افغانستان لومړی توپوهنه وکړه او سریلانکا ته یې د ۳۱۴ منډو لوړ هدف وټاکه، خو د سریلانکا کرېکټ لوبډلې په وروستي اوور کې د افغان لوبډلې هدف پوره او په دې سره یې لوبه په خپل نوم کړه.
د پاکستان په بلوچستان ایالت کې د یوه ځانمرګي برید له امله د پولیسو د یوه افسر په ګډون درې کسان وژل شوي او ۲۳ نور ټپیان دي.
د سمنګان د امنیې قومانداني د جنایي جرمونو پر وړاندې د مبارزې مدیریت مسوولان د دغه ولایت د کوز درهصوف ولسوالي په اړوند سیمه کې د یوه باروړونکي موټر د چلوونکي د وژل کېدو خبر ورکوي.
پاکستاني رسنیو خبر ورکړی چې د دغه هېواد د بهرنیو چارو وزارت د مرستیالې حنا رباني کهر په مشري به یو پلاوی سبا سهشنبه کابل ته راشي.
کله چې د تخار په مرکز تالقان ښار کې ګرځې، تر هر څه د مخه به د خلکو له ناچارۍ او ناخوښیو سره مخ کېږي. دلته به داسې نجونې او ښځې ووینې چې بنډل بنډل ډوډۍ یې مخې ته ايښي او دې ته په تمه دي چې څوک ورشي او ترې ویې پېري. په دې ډله کې، داسې نجونې هم شته چې د درسي ټولګي پر ځای، د ناچارۍ له کبله دلته ناستې دي او سهار تر بېګاه د څو پیسو موندلو لپاره زیار ګالي.
د زابل د روغتیا ریاست مسوولان د دغه ولایت په سیوري ولسوالي کې پر «تورې ټوخلې» یا تورې غاړې د شاوخوا ۲۰۰ کسانو د اخته کېدو خبر ورکوي. د دوی په خبره، له دې ډلې دوه ماشومان مړه شوي هم دي.
نن په هرات کې د شري او ګوزڼ ناروغیو د واکسین کمپاین پیل شو. د هرات روغتیايي مسوولان وايي، ټاکل شوې د واکسین په دغه پړاو کې له رباطسنګي او ادرسکن ولسوالیو پرته د هرات په کچه څه باندې ۵۰۰ زره ماشومانو ته چې عمرونه یې له نهو میاشتو تر پنځو کلونو پورې وي، د شري او تر پنځه کلنو ماشومانو ته هم د ګوزڼ واکسین ورکړل شي.
د زاول خصوصي پوهنتون یوشمېر محصلانو نن د کتاب دوهورځنی نندارتون پرانېست.
په دغه نندارتون کې د طب، سیاست، ټولنې او ځینو نورو برخو کې څه باندې ۳۰۰ کتابونه نندارې ته اېښودل شوي دي.
د کاپیسا د امنیې قومانداني ویاند عبدالفتاح فائز وايي، یوه کس د دغه ولایت په تګاب ولسوالي کې خپل کاکا په مرمۍ ويشتی او وژلی دی.
د المان دولت اعلان کړی چې افغانستان کې ناسم بشردوستانه وضعیت ته په پام له افغانانو سره ۹۰ میلیونه یورو نوره مرسته هم کوي.
نړیوال بانک د اسلامي امارت تر واکمنۍ لاندې د ژوند شرایطو ارزولو په اړه د تازه سروې پایله کې ویلي چې افغانستان کې د ژوند شرایط اوس هم سخت دي. دا سروې چې د روان ۲۰۲۲ کال په جون او اګېسټ میاشتو کې شوې، پهکې راغلي چې د هرو درېوو افغان کورنیو له ډلې دوه یې په سختۍ د اړتیا وړ توکي چې خواړه هم پهکې شامل دي، ترلاسه کوي.
که څه هم د هېواد په بېلابېلو برخو کې د خلکو له لوري پر خپل وخت د برښنا لګښتونو نه ورکړه یوه ستونزه ګڼل کېږي، خو غزني کې یې اوس د چارواکو د صبر کاسه نسکوره کړې ده.
د کابل د امنیې قومانداني ویاند خالد ځدران سلاموطندار ته تایید کړه چې ناپېژنده وسلهوالو د اتمې امنیتي حوزې اړوند په کارتهنو کې د حضرت ابوبکر صدیق جومات ملا امام قاري نجیبالله عزیزي وژلی دی.
د ا.ا ویاند ذبېحالله مجاهد پر ټویټر لیکلي چې مشر یې هبتالله اخوندزاده د قاضیانو په یوه غونډه کې هغوی ته سپارښتنه کړې چې ټولنه کې حد او قصاص عملي کړي.
د اسلامي امارت ویاند ذبېحالله مجاهد پر ټویټر لیکلي چې ځواکونو یې بېګاه د کابل ښار د پنځلسمې امنیتي حوزې اړوند په پنجصدفامیلیو کې د وسلهوالو یو پټنځای په نښه کړی و.
د افغان کرېکټ ملي لوبډلې لوبډلمشر محمدنبي پر فېسبوک له لوبډلمشرۍ د استعفا خبر ورکړی دی.
هغه لیکلي چې تر دې وروسته به د یوه عادي لوبغاړي په توګه د افغانستان لپاره لوبېږي.
