د افغان کرېکټ ملي لوبډلې لوبډلمشر محمدنبي پر فېسبوک له لوبډلمشرۍ د استعفا خبر ورکړی دی.
هغه لیکلي چې تر دې وروسته به د یوه عادي لوبغاړي په توګه د افغانستان لپاره لوبېږي.
محمدنبي وايي، که څه هم ده نړیوال کپ ته د لوبغاړیو پر بشپړ چمتووالي ټینګار کاوه، خو په خبره یې، بیا هم څنګه چې لازمه وه، هغسې چمتووالی ورته نه نه و نیول شوی او همدا لامل و چې ښه ونه ځلېدل.
نوموړي که څه هم د چا نوم نهدی اخیستی، خو زیاته کړې یې ده چې د کرېکټ لپاره په څو وروستیو سفرونو کې د ده، د کرېکټ بورډ مشرتابه او غوراوي کمېټې ترمنځ د نظر نه یووالی هم لامل شوی و چې د لوبډلې بېلانس ته زیان ورسېږي.
افغانستان د کرېکټ په سږني نړیوال کپ کې هېڅ لوبه ونه ګټله او وروستۍ هغه یې نن له ښه لوبېدلو سره سره اسټرالیا ته وبایلله.
د سلاموطندار پښتو فېسبوکپاڼه وڅارئ
محمدنبي د افغانستان د کرېکټ ملي لوبډلې یو تر ټولو پخوانی لوبغاړی او الرونډر دی چې ډېری وخت په نړیواله کچه په توپاچونه او توپوهنه کې ښه ځلېدلی او د کرېکټ په نړۍ کې ځانګړی ځای لري.
