د کاپیسا د امنیې قومانداني ویاند عبدالفتاح فائز وايي، یوه کس د دغه ولایت په تګاب ولسوالي کې خپل کاکا په مرمۍ ويشتی او وژلی دی.
د نوموړي په وینا، دغه قاتل سلطان نومېږي او شاوخوا ۴۰ کاله عمر لري. هغه زیاتوي چې سلطان د تګاب ولسوالي د سلطانخېلو د بدراب کلی اوسېدونکی دی.
فائز وايي، قاتل پر نشهيي توکو هم اخته دی او د خپل کاکا له وژلو وروسته تښتېدلی، خو په خبره یې، امنیتي مسوولان هڅه کوي چې ویې نیسي.
د کاپیسا د امنیې قومانداني ویاند د دې پېښې لامل کورنی تاوتریخوالی یادوي او وايي چې په تړاو یې د قاتل پلار هم نیولی دی.
د سلاموطندار پښتو فېسبوکپاڼه وڅارئ
په وروستیو څو میاشتو کې د هېواد په بېلابېلو ولایتونو کې دا ډول او د ځانوژنې پېښې زیاتې شوي دي.
