په کندوز او بدخشان ولایتونو کې د سلاموطندار د خبریال حسیب حساس ورور حکیم حساس وايي، د ا.ا استخباراتو تېره اوونۍ په کندوز کې د هغه ورور نیولی او تر اوسه لادرکه دی.
حکیم حساس وايي، ورور یې له خبریالۍ پرته بل هېڅ کار نه درلود. هغه غوښتنه کوي چې ژرترژره دې حسیب حساس خوشې شي؛ ځکه په خبره یې، د کورنۍ یواځینی سرپرست دی.
یوشمېر افغان مېرمنې د ا.ا حکومت له دویمې کلیزې سره هممهاله وايي چې د سرپرست حکومت له لوري پرې د بندیزونو لګېدو دوام لامل شوی چې ورځ تر بلې په ټولنه کې څنډې ته شي.
ا.ا د تېر کال له زمري میاشتې راهیسې په څو بېلابېلو فرمانونو سره ښځې له زدهکړو او کار را ګرځولي چې یوشمېر ښځې دا پرېکړې د دوی د څنډې ته کولو په مانا بولي.
د خوست د امنیې قومانداني ویاند مستغفر ګربز وايي چې امنیتي مسوولانو د امر بالمعروف او نهې عنالمنکر ریاست له مسوولانو سره په همغږۍ اته کوډګر د خوست ښار په شینکۍ سیمه او شپږ نور کوډګر هم د دغه ولایت په ځاځي میدان ولسوالي کې نیولي دي.
د خوست د والي دفتر په یوه خبرپاڼه کې لیکلي چې نن له غرمې مخکې ۱۱ بجې د دغه ولایت د مرکز خوست ښار اړوند سپین جومات ته نږدې په یوه هوټل کې چاودنه شوې ده.
د خبرپاڼې پر بنسټ، په دې چاودنه کې څو وزیرستاني کډوالو او خوستیاتو ته مرګژوبله اوښتې ده.
د عامې روغتیا وزارت نن د مور په شیدو د تغذیې نړیواله اوونۍ ونمانځله. د دغه وزارت مسوولانو په دې اړه جوړه شوې غونډه کې له ټولو میندو وغوښتل چې خپل نوي زېږېدلي ماشومان تر دوو کلونو پورې په خپلو شیو تغذیه کړي.
ملت ته د دولت د حساب ورکولو په دوام، د امر بالمعروف او نهې عنالمنکر وزارت مسوولانو نن د دغه وزارت د تېر یوه کال کاري راپور چې تل یې په کور دننه او بهر غبرګونونه را پارولي وو، وړاندې کړ. دغه وزارت په تېره یوه کال کې د افغان ښځو پر وړاندې بېلابېل محدودیتونه لګولي او همدا لامل و چې وختناوخت به یې د خبرونو د سر ټکي جوړول.
له کابل پوهنتون څخه یوشمېر فارغ زدهکړیالان شکایت کوي چې ډیپلومونه نه ورکوي. د دوی په وینا، څو ځله یې د ډیپلوم ترلاسه کولو په موخه خپلو پوهنځیو ته ورغلي، خو د ډیپلوم پاڼو نه لرلو له کبله یې نهدي ورکړي.
د هېواد په بېلابېلو برخو کې د مرموزو وژنو په دوام، په وروستیو ورځو کې رسنیو داسې ډېر راپورونه خپاره کړي چې د جنايي جرمونو پېښې انعکاسوي او ناپېژنده وسلهوالو پهکې ملکیان او د تېر حکومت نظامیان موخه ګرځولي دي.
د کابل ښار د دشتبرچي سیمې د فروشګاه تمځای یوشمېر اوسېدونکي شکایت کوي چې په دې سیمه کې پر نشهيي توکو اخته کسان ډېر شوي دي. دوی سلاموطندار ته ویلي چې روږدي کسان دغلته تر مروارید پله لاندې را ټولېږي او د سیمې اوسېدونکي یې له غلاوو او ځورونو تر پوزې راغلي دي.
له شپږم ټولګي څخه د پورته نجونو پر مخ د ښوونځیو دروازو پرانېستل کېدل او د میلیونونو افغان نجونو د محرومیت پای ته رسېدل له سرپرست حکومت څخه د افغانانو تر ټولو مهمه غوښتنه ده، خو ا.ا د خلکو او نړیوالې ټولنې د غوښتنو پر خلاف د هغوی پر مخ د ښوونځیو دروازې لا هم تړلې دي.
کابل ښار کې د ناروغانو یوشمېر پایوازان شکایت کوي چې یو ډول درمل په بېلابېلو درملتونونو کې بېلابېلې بیې لري او په وینا یې، درمل پلورونکي د هر ډول درملو لپاره په خپل سر بیې ټاکي. دوی له سرپرست حکومت، په تېره د خوړو او درملو ادارې څخه غواړي چې بازار کې د درملو بیې کنټرول کړي.
د چاپېریال ساتنې ملي ادارې مسوولانو نن ملت ته د حساب ورکونې په غونډه کې وویل چې اوس د چاپېریال ساتنې برخه کې د نړیوالې ټولنې د ۳۲ پروژو چارې چې په افغانستان کې روانې وې، په ټپه ولاړې دي.
د غزني امنیتي مسوولان وايي چې په دغه ولایت کې د یوه کور چت را پرېوتی او له کبله یې درې ښځې مړې شوي او یو ځواب سخت ټپي شوی دی.
د خوړو او درملو ملي ادارې مسوولانو ملت ته د دولت حساب ورکونې غونډه کې وویل چې اوس د افغانستان د درملو او روغتیايي محصولاتو کارخونې کولای شي چې له ۱۵ تر ۲۰ سلنې پورې د افغانانو اړتیاوې پوره کړي.
خانملا چې د کابل یوه څلورلارې کې یې د مزودورۍ پیدا کولو په موخه دېوال ته ډډه وهلې وايي، سهار وختي له کوره را وتلی چې کار ومومي، خو لا چا نهدی بیولی. هغه چې د کورنۍ سرپرستې یې پر غاړه ده وايي، تېرو دوو کلونو کې پنځه ځله ورسره مرسته شوې، خو اوس یې ورته اړتیا ډېره شوې ده.
بامیان د افغانستان د ګرځندویۍ او چکر ولایتونو له ډلې یو دی او وختناوخت ورته کورني او بهرني سیلانیان ورځي، خو اوس دغه ولایت ته ورتلونکي سيلانيان شکایت کوي چې هلته لومړنۍ اسانتیاوې نشته او دوی له چکر څخه خوند نهشي اخیستلی.
