د ا.ا ویاند ذبېحالله مجاهد نن پر خپله ټوېټرپاڼه لیکلي چې کابل کې پر کاج ښوونیز مرکز برید یو لوی وحشت دی.
نوموړي لیکلي: «ا.ا د کابل دیارلسمه امنیتي حوزه کې پر کاج ښوونیز مرکز برید یو لوی وحشت بولي او په کلکو ټکو یې غندي. د دې پېښې د قربانیانو له کورنیو سره خپله ژوره خواخوږي څرګندوي.»
د افغانستان لپاره د امریکا شاژدافیرې کرن ډېکر د کابل په لوېدیځ دشتبرچي سیمه کې پر «کاج» ښوونیز مرکز نننی برید غندلی او هغه یې یو شرمناک عمل بللی دی.
د افغانستان لپاره د امریکا شاژدافیرې په دغه برید کې د قربانیانو کورنیو سره خپله خواږي څرګنده کړې او ټپیانو ته یې د بېړنۍ روغتیا هیله ښودلې ده.
په تخار کې محلي سرچینې سلاموطندار ته وايي چې بېګاه شپه د دغه ولایت د رستاق ولسوالي په «قزل» سیمه کې یوه کس ځان ځندۍ کړی دی.
د پوهنې وزارت نن پنچشنبه د تلې اوومه پر خپله ټوېټرپاڼه لیکلي، افغانستان کې د ماشومانو لپاره د ملګروملتونو ادارې یا یونېسف استازي محمداګ ایویا د دغه وزارت له نوي سرپرست حبیبالله اغا سره کتلي دي. په افغانستان کې د یونېسف استازي هم ویلي، دغه بنسټ به تل له پوهنې وزارت ملاتړ کوي او ترڅنګ به یې ولاړ وي.
د ملګرو ملتونو عمومي منشي انټونیو ګوټرېش په یوه راپور کې چې ټاکل شوې د دغه سازمان امنیت شورا ته یې وړاندې کړي، افغانستان کې د بهرنیو ترهګرو ډلو په ځانګړې توګه القاعده شبکې د حضور په اړه یې پهکې اندېښنه ښودلې ده. د ملګرو ملتونو عمومي منشي نن د دغه سازمان امنیت شورا ته د افغانستان وضعیت په اړه خپل درې میاشتنی راپور وړاندې کوي.
د بهرنیو چارو وزارت سیاسي مرستیال نن کابل کې د «ګرځندوی نړیوالې ورځې» په نمانځغونډه کې وویل، پاکستان له امریکا د افغانستان پر فضا له ګرځېدونکې هرې بېپېلوټه الوتکې میلیونونه ډالر اخلي. نوموړی زیاته کړه داسې ویډیوګانې په لاس کې لري چې د امریکا بېپېلوټه الوتکې له کوم ځایه او له کومې لارې د افغانستان فضا ته ننوځي.
روسي رسنیو راپور ورکړی چې د دغه هېواد د پلازمېنې مسکو د ایژوسک ښار په یوه ښوونځي کې د وسلهوال برید پرمهال د اوو زدهکوونکو په ګډون ۱۳ کسان وژل شوي دي.
د افغانستان بانک د افغانیو پر وړاندې د ډالرو د ارزښت ساتلو په موخه، سبا دوشنبه ۱۱ میلیونه ډالر بازار ته د لیلام په توګه وړاندې کوي.
د افغانستان بانک نن یکشنبه د تلې درېیمه پر خپله ټوېټرپاڼه له ټولو صرافانو او سوداګریزو بانکونو غوښتنه کړې چې په دغه داوطلبۍ کې ګډون وکړي.
پاکستاني رسنیو نن یکشنبه د وږي درېیمه راپور ورکړی چې د دغه هېواد د خېبرپښتونخوا په شمالي وزیرستان کې د یوې چاودنې پرمهال دوه پاکستاني سرتیري وژل شوي دي.
پاکستاني رسنیو د ملګرو ملتونو د کډوالو ادارې یا (یواېناېچسيار) د چارواکو له قوله راپور ورکړی چې دغه اداره په پام کې لري چې یاد هېواد کې ۸۰۰زره سېلاب ځپلیو افغان کډوالو سره مرسته وکړي.
رسنیو همداراز ویلي چې اسلاماباد کې د امریکا سفارت دغه هېواد کې له سېلاب ځپلیو سره د دوو میلیونو ډالرو نوې مرستې اعلان هم کړی دی.
له ۲۰۰۵ کال راپدېخوا نن د انګلستان کرېکت ملي لوبډله په لومړي د پاکستان کراچۍ ښار کې د دغه هېواد د کرېکټ ملي لوبډلې سره لوبه کوي.
دغه سیالي به د پاکستان پر وخت نن شپه ۷:۰۰ بجې پیل شي.
د پاکستان لومړی وزیر شهباز شریف وايي، نړۍ باید افغانستان کې د وضعیت ښهوالي په موخه له یوه بل سره همکاري وکړي او افغانستان باید له پامه ونه غورځول شي.
نوموړي دغه څرګندونې نن جمعه د ازبکستان په سمرقند ښار کې د شانګهای همکاریو سازمان د غړیو هېوادونو د مشرانو په غونډه کې کړي دي.
د ا.ا د ویاند مرستیال بلال کریمي نن چهارشنبه د وږي ۲۳مه پر خپله ټوېټرپاڼه لیکلي چې د ډیورنډ پر فرضي کرښه د ا.ا او پاکستاني ځواکونو ترمنځ نښته رامنځته شوې ده. بلال کریمي زیاته کړې چې پاکستاني ځواکونو غوښتل د ډیورنډ کرښې ته نږدې پوسته جوړه کړي، خو د ا.ا ځواکونو یې مخه نیولې چې په پایله کې یې د دواړو لوریو ترمنځ نښته شوې ده.
د ریاست الوزرا اقتصادي معاونیت نن چهارشنبه د (وږي ۲۳) پر خپله ټوېټرپاڼه لیکلي چې د کابل ښار له بېلابېلو سیمو څخه یې تراوسه د ښځو او ماشومانو په ګډون ۵۹۱۴ سوالګر راټول کړي دي. همداراز د کابل له بېلابېلو سیمو څخه په راټولو شویو ۵۱۸ نارینه سوالګرو کې ۱۳۸ یې مستحق او ۳۸۰ یې مسلکي ښودل شوي دي.
د افغانستان کرېکټ ملي لوبډله نن د اسیا کپ روان څلور غوره پړاو سیالیو په لړ کې د هند کرېکټ ملي لوبډلې پر وړاندې لوبه کوي. دواړه لوبډلې اسیا کپ څخه بهر شوي او دغه لوبه یوازې تشریفاتي بڼه لري. ټاکل شوې چې یاده سیالي نن ماښام د افغانستان په وخت ۶:۳۰ بجې پیل شي. افغانستان او هند دواړو په روان پړاو کې له پاکستان کرېکټ ملي لوبډلې څخه ماتې خوړلې دي.
د اسیا کرېکټ کپ روان پړاو کې نن د افغانستان کرېکټ ملي لوبډله د پاکستان له کرېکټ ملي لوبډلې سره لوبه کوي.
ټاکل شوې چې دغه سیالي نن ماښام د افغانستان پر وخت ۶:۳۰ بجې پیل شي.
