په جېنوا کې د افغانستان استازي نصیراحمد اندېشه ویلي چې تېرو لسو میاشتو کې نړیوالې ټولنې له هرې ممکنه لارې اسلامي امارت سره د تعامل هڅه وکړه، خو داسې ښکاري چې دغه هڅې له بنبست سره مخ او د ژمنو پر ماتولو او ناهیلیو تبدیلې شوې دي.
جېنوا کې د افغانستان استازي پرون چهارشنبه د ملګرو ملتونو د بشريحقونو شورا په ناسته کې ویلي چې اسلامي امارت د پرلهپسې فرمانونو سره د افغانانو هر راز حقونه او ازادي ترې اخیستې دي.
د سلاموطندار پښتو فېسبوکپاڼه وڅارئ
نوموړي زیاته کړې چې دامهال افغانستان کې ښځې نهشي کولای چې د سیاست په برخه کې فعالیت وکړي او په عمومي ژوند کې څنډې ته شوې دي.
د اندېشه په وینا، د هېواد په ځینو برخو کې جګړې بېرته پیل شوي او د بشريحقونو د نقض له هغې ډلې، وژنې، شکنجې، روغتیايي خدمتونو ته نه لاسرسی او جګړه کې د نیول شویو ټپیان وژنې په اړه راپورونه خپاره کېږي.
په همدې حال کې د ملګرو ملتونو د بشريحقونو عالي کمېشنره مېشل باشله هم په یاده ناسته کې د هېواد په شمالي ولایتونو په ځانګړې توګه پنجشېر کې د بشريحقونو د نقض په اړه د ادعاو په تړاو اندېښنه ښودلې ده.
نوموړې په خپله وینا کې ویلي، د نړیوالو بشري او بشردوستانه حقونو د قوانینو نقض سره د ملکیانو د مخکېدو په تړاو د شویو جدي ادعاو د سپیناوي لپاره اړینه ده چې دغه ادعاوې تایید شي.
د ملګرو ملتونو د بشريحقونو عالي کمېشنرې ویلي: «هغه څه چې په افغانستان کې نن موږ وینو، پر ښځو د سیستماتیک ظلم بنسټییز کول دي.»
د هغې په وینا، د نجونو پر زدهکړه بندیز لا هم پر خپل ځای دی او د مارچ میاشتې راهیسې پر ښځو او نجونو د محدودیت څو فرمانونه صادر شوي دي.
سلاموطندار پر ټویټر هم وڅارئ
د ملګرو ملتونو د بشريحقونو شورا خپله پنځوسمه کلنۍ ناسته نړۍ کې د بشريحقونو وضعیت او کورونا ویروس په اړه پیل کړې ده.دغه ناسته تېره ورځ پیل شوې چې تر راتلونکو څو اوونیو به دوام وکړي.
