د پوهنې وزارت سرپرست نورالله منیر د امریکا د زدهکړو پراختیا پروګرام له رییس ران مک کامن سره تر لیدنې وروسته ویلي چې امریکا په افغانستان کې انلاین زدهکړې پیلوي.
پوهنې وزارت نن په یوه خبرپاڼه کې لیکلي چې د امریکا د زدهکړو پراختیا پروګرام په پام کې لري چې د افغانستان په لرو پرتو سیمو کې ماشومانو او ځوانانو ته انلاین زدهکړې پیلوي.
پوهنې وزارت که څه ډېر جزیات نه دي ورکړي، خو لیکلي یې دي چې د دغه وزارت سرپرست نورالله منیر افغانستان کې د زدهکړو برخه کې د امریکا د پرېکړې ستاینه کړې ده.
منیر زیاته کړې چې افغانستان د نړیوالې ټولنې په ملاتړ له ستونزو سره د مبارزې هڅه کوي.
دا داسې مهال ده چې اسلامي امارت واک ته له رسېدو سره سم له شپږم ټولګي څخه د پورته نجونو ته اجازه نه ده ورکړې چې ښوونځیو ته ولاړې شي.
