د لوګر ولایت د خروار ولسوالي اوسېدونکي وایي چې پرون د دغې ولسوالي په پنج پای سیمه کې یو کس خپل مور وژلې او خپله مېرمن یې ټپي کړې ده.
د خروار ولسوالي یوه اوسېدونکي محمد رسول سلاموطندار ته ویلي، پېښه د خروار ولسوالي په پنج پای کلې کې د کورني تاوتریخوالي له امله رامنځته شوې.
د سلاموطندار پښتو فېسبوکپاڼه وڅارئ
هغه زیاته کړه چې د کور ۳۰ کلن سرپرست خپله مور وژلې او مېرمن یې ټپې کړې چې اوس د درملنې لپاره پکتیا ولایت ته لېږدول شوې ده.
بلخوا د لوګر د امنیه قومنداني ویاند احمدالله انس سلاموطندار ته وویل چې د پېښې قاتل د اسلامي امارت له لوري نیول شوی او ډېر ژر به عدليي او قضايي ارګانونو ته وروپېژندل شي.
سلاموطندار پر ټویټر هم وڅارئ
انس زیاته کړه، د اسلامي امارت د کشفي ارګانونو د معلوماتو پربنسټ، یاده پېښه د کورنۍ شخړو له کبله رامنځته شوې ده.
