د لوګر د امنیې قومنداني مسوولان وایي چې پرون مازدیګر د «برهکي برک» ولسوالي په «نواباد» کلي کې د هاوان مرمۍ د سرګلولې د چاودنې له امله څلور ماشومان ټپيان شوي دي.
د لوګر د والي ویاند عمر منصور سلاموطندار ته ویلي، دغه چاودنه هغه مهال رامنځته شوه چې ماشومانو د هاوان مرمۍ پر ناچاودې سرګلولې لوبې کولې.
د سلاموطندار پښتو فېسبوکپاڼه وڅارئ
منصور زیاته کړه چې په دغه پېښه کې څلور ماشومان ټپيان شوي چې روغتون ته لېږدول شوي دي. هغه وایي چې په ټپيانو کې د یوه ماشوم روغتیايي وضعیت نازک ښودل شوی ده.
سلاموطندار پر ټویټر هم وڅارئ
باید وویل شي چې تر دې وړاندې هم د لوګر په مرکز پلعلم او یوشمېر ولسوالیو کې د ناچاوده سرګلولو او تر ځمکې لاندې د خښ شویو ماینونو د چاودنو له امله خلکو ته مرګژوبله اوښتې ده.
