Asset 1SWN

۳ ولایتونو کې تېرې شپې راهیسې ۱۹ امنیتي ځواکونه وژل شوي

CC01F90F-0E15-402D-A1A0-4BC865871613_cx0_cy3_cw0_w1200_r1-ox8dkkxxkxakydyl0pf39mqv91xmhq3ep0nvzxuu8k

 

تېرې شپې راهیسې یو شمېر ولایتونو کې د طالبانو او افغان ځواکونو ترمنځ د سختو جګړو او موټربم برید راپورونه ورکړل شوي دي چې له کبله يې يو شمېر امنیتي ځواکونو ته مرګ‌ژوبله اوښتې ده.

د کندوز د ولایتي شورا رييس محمد یوسف ایوبي وايي، طالبانو تېره شپه خان‌اباد ولسوالۍ کې د پوځ پر یوې پوستې برید وکړ چې ۸ سرتېري په کې وژل شوي او ۳ نور یې هم ژوندي نیول شوي.

ایوبي وویل، افغان ځواکونو تر دغو نښتو وروسته پر وسله‌والو هوايي برید کړی چې ۵ ملکي وګړي او ۶ وسله‌وال په کې وژل شوي.

لوګر کې یوې امنیتي سرچینې چې نه یې غوښتل نوم یې واخیستل شي سلام‌وطندار ته وویل، طالبانو تېره شپه د مرکز پل‌علم اړوند «الوزو» سیمه کې پر امنیتي پوستې ډله‌ییز برید کړی چې ۷ افغان سرتېري په‌کې وژل شوي او طالبانو د امنیتي پوستې تر سقوط وروسته ټول مهمات ځان سره وړي دي.

خو د لوګر د والي ویاند دیدار احمد لونګ سلام‌وطندار ته وویل، د طالبانو برید کې ۴ افغان سرتېري وژل شوي او یو بل ټپي دی.

لونګ زیاته کړه چې د افغان ځواکونو ځوابي بریدونو کې ۵ طالبان هم وژل شوي او ۳ نور یې ژوبل دي.

په ورته وخت کې د فاریاب د امنیې قومندانۍ ویاند عبدالکریم یورش وايي، تېره شپه د المار ولسوالۍ پر امنیې قومندانۍ موټربم چاودنه کې ۴ امنیتي سرتېري وژل شوي او ۵ نور ټپیان دي.

د يورش په وینا، د طالبانو دغه برید کې ۱۰ ملکي وګړو ته هم مرګ‌ژوبله اوښتې.

خو فاریاب کې یوه امنیتي سرچینه چې نه غواړي نوم یې خپور شي وايي، د تېرې شپې موټربم برید کې د المار ولسوالۍ د امنیې قومندان په ګډون ۱۲ امنیتي سرتېري ټپیان دي.

سرچینه زیاتوي چې دغه چاودنه له هاموې ټانګ څخه په ګټې اخیستو شوې او درانه مالي زیانونه یې هم اړولي دي.

د هلمند ځايي مسوولان وايي، ګرشک ولسوالۍ کې هم پر یوې پوستې موټربم برید شوی چې ۲ امنیتي سرتېري په کې ټپيان شوي.

وسله‌والو طالبانو تراوسه کندوز، لوګر او فاریاب ولایتونو کې د وروستیو بریدونو په تړاو څه نه‌دي ویلي، خو دې وروستیو کې د افغان ځواکونو او طالبانو ترمنځ د نښتو راپورونه زیات شوي او دواړه لوري یو بل ته د درنې مرګ‌ژوبلې ادعاوې کوي.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام