کندوز کې په پنځه میلیونه افغانیو یو «پُل» بیاورغول شو

د کندوز د ټولګټو ریاست مسوولان وايي چې د دغه ولایت په «قلعه‌ذال» ولسوالي کې په پنځه میلیونه افغانیو یو ویجاړ شوی پُل بېرته ورغاوه.

دغه پُل چې د یادې ولسوالي دوه پراخې سیمې «د ولسوالي مرکز او اق‌تپه» سره نښلوي، د یاد ریاست په بودیجې بیارغول شوی دی.

کندوز کې د کرنیزو محصولاتو نندارتون جوړ شو

کندوز کې د «راه‌ نوین» په نوم ټولنیزې موسسې په همکاري او د دغه ولایت د کرنې، اوبو لګولو او مالدارۍ ریاست په همغږۍ د کرنیزو محصولاتو نندارتون جوړ شو.
په دغه نندارتون کې چې پرون د (وږي په ۳۰مه، د پنجشنبې ورځ) جوړ شوی، ګډونوالو په‌کې د خپلو کرنیزو محصولاتو تر څنګ، لبنیات هم نندارې ته ايښي دي.

کندوز او بادغېس کې دوو ښځو ځان‌وژنه کړې او فاریاب کې د دوو نورو مړي موندل شوي

په کندوز او بادغېس کې محلي سرچینو او مسوولانو سلام‌وطندار ته ویلي چې په دغو ولایتونو کې دوو ښځو ځانونه را ځړولي او ژوند ته یې د پای ټکی ايښی دی.
په کندوز کې محلي سرچینې وايي چې یوې ځوانې ښځې د پنجشنبې په شپه د کندوز ښار د درېیمې امنیتي حوزې اړوند په حمیدبای سیمه کې ځان را ځړولی او وژلی دی.

کندوز کې کروندګرو د مېوه‌لرونکو باغونو جوړولو ته مخه کړې

تجارتي باغونه د بڼوالۍ هغه بڼه ده چې په وروستیو کې ګڼ‌شمېر کروندګرو ورته مخه کړې او له دې لارې د خپل ژوند اړتیاوې برابروي.

دغه کروندګر زیاتوي چې د سوداګريزو باغونو جوړول پانګه او د باغدارۍ په سېسټم کې پوهاوی غواړي او له همدې کبله له دولتي چارواکو او مرستندويه بنسټونو څخه د ورته باغونو په جوړولو کې د همکارۍ غوښتنه کوي.

کندوز کې د بې‌کیفیته درملو او نامسلکي درمل‌پلورونکو په اړه شکایت؛ «څارنه او پوښتنه نشته»

د کندوز د خان‌اباد ولسوالي یوشمېر اوسېدونکي د دې ولسوالي په درملتونونو کې د بې‌کیفیته درملو او نامسلکي درمل‌پلورونکو د زیاتوالي په اړه ګیلې لري. د خان‌اباد ولسوالي اوسېدونکی نجیب‌الله وايي، د روغتیايي مسوولانو نه څارنه لامل شوې چې نامسلکي کسان په خپل سر دې ولسوالي کې درملتونونه جوړ کړي.

کندوز او بادغیس کې دوو نجونو ځان‌وژنه کړې

د کندوز او بادغیس محلي مسوولان وايي چې په دغه ولایتونو کې دوو پېغلو نجونو ځان‌وژنه کړې ده.

په لومړۍ پېښه کې چې د کندوز ښار اړوند سیمه کې رامنځته شوې یوې ۱۸ کلنې نجلۍ ځان‌وژنه کړې او ژوند ته یې د پای ټکی اېښی دی.

کندوز کې د غلو له‌خوا د یوې خیاطۍ لوټل؛ خیاط ځان وژلی

کندوز کې محلي سرچینو سلام‌وطندار ته ویلي چې د محي‌الدین په نوم یوه ځوان په دغه ولایت کې ځان وژلی دی. دغه ځوان شل کلن و او جامې یې ګنډلې. د سرچینو په وینا، یاد ځوان نن د کندوز ښار د درېیمې امنیتي حوزې اړوند د «مال بازار څلورلارې» سره د جامو ګنډلو په دوکان کې یې ځان را ځړولی او وژلی دی.

کندوز کې د نښتې پای؛ اسلامي امارت: پنځه داعشیان مو ووژل

د کندوز محلي مسوولان وايي چې نن سهار امنیتي ځواکونو د کندوز ښار اړوند سیمه کې د داعش ډلې پر یوه پټن‌ځای برید کړی او پنځه داعشیان یې وژلي دي.

د کندوز د امنیې قومنداني ویاند عبیدالله عابدي سلام‌وطندار ته ویلي، د کشفي معلوماتو پربنسټ یې د داعش پر دغه پټنځای عملیات کړي او دې ډلې پورې اړوند پنځه کسان یې وژلي دي.