تخار کې یوه امنیتي سرچینه چې نه غواړي نوم یې خپور شي سلاموطندار ته وايي، تېره شپه د دغه ولایت د بهارک ولسوالۍ «سپینجومات» سیمه کې نږدې ۷۰ امنیتي ځواکونه د طالبانو د سرېقطعې کمین کې وژل شوي دي.
د تخار د عامې روغتیا رییس سید عبدالقیوم وايي، تراوسه د امنیتي ځواکونو ۳۴ جسدونه د دغه ولایت مرکزي روغتون ته لېږدول شوي.
خو د تخار د والي ویاند جواد هجري یوازې د دغه ولایت د امنیې قومندانۍ د امنیت امر رازمحمد دوراندېش وژنه تاییدوي او د امنیتي ځواکونو مرګژوبلې په اړه څه نه وايي.
طالبانو هم تراوسه دې برخه کې رسنیو ته څه نه دي ویلي.
