یوه معتبره ولسي سرچینه سلاموطندار ته وايي، د دښتقلعه ولسوالۍ ایخانم تپه کې د سرحدي پولیسو مرکز ته نږدې د هاوان لګېدو پېښه کې ۷ سرحدي سرتېري وژل شوي او ۲ نور ټپيان دي.
سرچینې وویل، تراوسه معلومه نه ده چې هاوان د کومې ډلې له خوا توغول شوی دی.
خو تخار کې یوه امنیتي سرچینه چې نه غواړي نوم یې خپور شي وايي، هاوان تېر ماښام هغه مهال د طالبانو له لوري توغول شوی چې سرحدي سرتېرو دغه پوځي مرکز ته نږدې د والیبال لوبه کوله.
د یاودنې وړ ده چې تالقانو ښار کې له پوځي عملیاتو وروسته طالبان ماتې سره مخ شوي؛ خو د کوکچې سیند غاړو ته ولسوالیو کې اوس هم خوځښتونه لري.