پاکستاني رسنیو نن پنجشنبه د تلې ۲۸مه راپور ورکړی چې ټيټيپي (پاکستاني طا لبانو تحریک) د خېبرپښتونخوا د خوراک او لوبو له وزیر عاطف خان څخه د «۸» میلیونه کلدارو د باج اخېستلو «قلنګ» غوښتنه کړې ده.
د رسنیو د خپرو شویو معلوماتو پربنسټ، د خېبرپښتونخوا د خوراک او لوبو وزیر هم تایید کړې چې د قلنګ غوښتنې په اړه یې یو لیک ترلاسه کړی او په وینا یې، دا موضوع یې له حکومت سره شریکه کړې ده.
بلخوا ټيټيپي په یوې خبرپاڼه کې ویلي چې د دوی له لوري چا ته د قلنګ غوښتولو په اړه لیک نه دی استول شوی او هغه یې رد کړې ده. په ورته مهال پاکستاني رسنیو ویلي، د خوراک او لوبو له وزیر پرته د تحریک انصاف ګوند له نورو غړیو هم د پیسو غوښتنې شوې دي.
بلخوا د خېبرپښتونخوا حکومت ویلي، په دې اړه یې څېړنې پیل کړي او د چا له لوري د قلنګ غوښتنې نهشي زغملی. له دې وړاندې هم خېبرپښتونخوا کې د تحریک انصاف ګوند پر غړیو تورونه لګېدلي چې دوی ټيټيپي ته باج ورکوي.
په دې وروستیو کې د پاکستان د خېبرپښتونخوا ایالت په بېلابېلو سیمو کې د ټيتيپي بریدونه او فعالیتونه زیات شوي چې خلک یې اندېښمن کړي دي.
