د عامه اړیکو او ستراتیژیکو چارو رييس او د ولسمشر محمد اشرف غني ستر سلاکار وحید عمر وايي، هېڅ کس یا اداره اجازه نهلري چې د اساسي قانون پر خلاف هېوادوالو لپاره محدودیتونه وټاکي.
د وحيد عمر دغه څرګندونې نن وروسته له هغه شوي کله چې د پوهنې وزارت د وروستۍ پرېکړې په اړه چې له مخې يې له ۱۲ کلنۍ وروسته نجونې نهشي کولای د نارينه په غونډو کې ترانې ولولي.
د عمر په وینا، د حکومت مشرتابه د پوهنې وزارت وروستۍ پرېکړې په اړه د دې وزارت له مشرتابه سره اړيکه کې دی ترڅو پهدې اړه خپل دریځ روښانه کړي.
دا په داسې حال کې ده چې د چهرشنبې په ورځ د پوهنې وزارت د يوې اعلاميې په خپرولو سره وويل، تر دې وروسته هغه نجونې چې له ۱۲ کلونو ډېر عمر لري؛ نه شي کولی د نارینهوو په حضور غونډو کې ترانې ولولي.
