د اسلامي امارت د لوړو زدهکړو وزارت ټولو دولتي او خصوصي پوهنتونونو او موسسو ته په یوه مکتوب کې لیکلي چې د کابینې د پرېکړې له مخې، تر بل امر پورې په پوهنتونونو کې د نجونو د زدهکړو بهیر ودروي.
د لوړو زدهکړو وزارت ویاند حافظ ضیاالله هاشمي دغه مکتوب پر خپل ټویټر خپور کړی دی. په مکتوب کې لیکل شوي چې د اسلامي امارت کابینې تېر کال دا پرېکړه کړې او د ټولو پوهنتونونو او موسسو مسوولان یې باید له دې وروسته عملي او وزارت یې په اړه ډاډ ورکړي.
په همدې حال کې د لوړو زدهکړو وزارت ویاند حافظ ضیاالله هاشمي هم تایید کړه چې یاد مکتوب د دغه وزارت له لوري خپور شوی او سم دی.
د سلاموطندار پښتو فېسبوکپاڼه وڅارئ
اسلامي امارت واک ته له رسېدو سره سم په ټول هېواد کې له شپږم ټولګي د پورته نجونو پر مخ د ښوونځیو دروازې وتړلې چې دا پرېکړه یې د خلکو او نړیوالې ټولنې توند غبرګونونه راوپارول.
