د فاریاب د اطلاعاتو او کلتور رییس شمسالله محمدي سلاموطندار ته ویلي چې ناپېژنده وسلهوالو د دغه ولایت د اقتصاد رییس عبدالرحمان منور کور ته پر لاره وژلی دی.
دا پېښه نن ماسپښین د دغه ولایت په قیصار ولسوالي کې شوې ده. د فاریاب د اقتصاد رییس د قیصار ولسوالي د «سپرګلیک» سیمې اوسېدونکی و.
د فاریاب د اطلاعاتو او کلتور د رییس په وینا، پېښه د قیصار ولسوالي د «تامچي او جلګلدیک» ترمنځ پر لاره شوې او وسلهوال د منور له وژلو وروسته تښتېدلي دي.
شمسالله محمدي وايي، وسلهوال بریدګر دوه کسان وو چې په خبره یې، د اسلامي امارت ځواکونه یې څاري.
تراوسه کوم چا یا وسلهوالې ډلې د دغه برید مسوولیت نهدی منلی.
