د ملګروملتونو د ماشومانو ملاتړ اداره یا یونیسف روان کال افغانستان کې پر سختې خوراځواکۍ د ماشومانو د اخته کېدو شمېر زیاتېدو څخه خبر ورکوي.
یونیسف نن (پنجشنبه د کب په پنځمه) پر خپله ټویټرپاڼه لیکلي، روان ۲۰۲۲ میلادي کال کې به د ټول افغانستان په سطحه تر پنځو کلونو کمعمره ۳.۲ میلیون ماشومان له سختې خوارځواکۍ ځوریږي.
د سلاموطندار پښتو فېسبوکپاڼه وڅارئ
دغه بنسټ زیاته کړې چې د تغذیې سلاکارانو او د ګرځنده روغتیايي ټیمونو شمېر په زیاتولو او د لا زیاتو صحي خوراکي توکو په راوړلو سره هڅه کوي چې د خوراخواکۍ د زیاتېدو مخنیوی وکړي.
تر دې وړاندې د ژغورنې نړیوالې کمیټې افغانستان کې پر خوارځواکۍ د اخته ماشومانو شمېر زیاتېدو څخه اندېښنه څرګنده کړې وه او هېواد کې یې د بشري بحران د رامنځ ته کېدو خبرداری ورکړی وو.
دغې کمیټې له نړیوالې ټولنې غوښتي وو چې د افغانانو لپاره د خوړو، درملو او پیسو برابرولو لپاره هرڅه ژر حللارې وپلټي.
د عامې روغتیا وزارت د مالوماتو پر بنسټ، افغانستان کې اوسمهال تر پنځو کلونو کمعمره څه باندې درې میلیون ماشومان د خوارځواکۍ له خطر سره مخ دي.
سلاموطندار پر ټویټر هم وڅارئ
دا داسې مهال دی چې د اسلامي امارت واکمنېدو راهیسې، بېکاري او بېوزلۍ ډېره زیاته شوې او زیاتره خلک ان نهشي کولی د خپل ژوند لومړني لګښتونه تامین کړي.
