د کندوز امنیتي مسوولان وايي چې په دغه ولایت کې د هاوان مرمۍ د چاودنې له امله دوه ماشومان وژل شوي او یو بل ماشوم ټپي دي.
د کندوز د امنیې قومنداني ویاند عبیدالله عابدي سلاموطندار ته ویلي چې دغه پېښه نن سهار د کندوز ښار اړوند د «باغ میري» په سیمه کې شوې ده.
د سلاموطندار پښتو فېسبوکپاڼه وڅارئ
د عابدي په وینا، په یاده سیمه کې ماشومانو د هاوان مرمۍ پر ناچاودې سرګلولې لوبې کوې چې چاودنه پر شوې او له امله یې دغو ماشومانو ته مرګژوبله اوښتې ده.
د کندوز د امنیې قومنداني ویاند زیاته کړې چې د دغې چاودنې په پایله کې دوه ماشومان وژل شوي او یو بل ماشوم ټپي دی چې اوس په روغتون کې تر درملنې لاندې دی.
په ورته مهال د کندوز د امنیې قومنداني مسوولان د دغه ولایت له اوسېدونکو غواړي چې په خپلو سیمو کې د ناچاودو توکو د لیدو پرمهال دې دوی ته خبر ورکړي.
دا په داسې مهال ده چې له دې وړاندې هم د هېواد په یوشمېر ولایتونو کې د جګړو پرمهال د پاتې شویو ناچاودو توکو له امله ګڼشمېر ملکیان وژل شوي او یوشمېر یې ټپیان شوي هم دي.
