د افغانستان د کورنیو چارو وزارت د رویټرز خبري اژانس هغه راپور رد کړ چې ویلي و، ملګري ملتونه د افغانستان کورنیو چارو وزارت ته د دوی د تاسیساتو او کارکوونکو د امنیت ساتلو لپاره د ۶میلیونه ډالرو د ورکړې وړاندیز کړی دی.
د کورنیو چارو وزارت پر خپلې رسمي ټویټرپاڼې لیکلي چې دغه وزارت ته د ملګرو ملتونو لهخوا تراوسه په دې اړه په رسمي توګه کوم وړاندیز نه دی شوی.
د سلاموطندار پښتو فېسبوکپاڼه وڅارئ
رويټرز خبري اژانس پرون په یوه خپور کړي رپوټ کې ویلي وو چې ملګري ملتونه د خپلو شاوخوا ۳،۵۰۰ پرسونل او لس ساحوي دفترونو د امنیت ساتنې لپاره د افغانستان کورنیو چارو وزارت ته شپږ میلیونه ډالر ورکوي.
رویټرز خبري اژانس د یوې باخبره سرچینې او تر لاسه شوي پټ سند په بنسټ لیکلي و چې دغه اندازه پیسې به راتلوونکی کال د ملګرو ملتونو د ا ړوند بنسټونو له لوري د اسلامي امارت هغو ځواکونو ته په مستقیمه توکه ورکوي چې د دوی ساتنه کوي او د اسلامي امارت لوړپوړي چارواکي به پهکې نه وي ښکېل.
