د اسلامي امارت د ویاند مرستیال انعامالله سمنګاني په جوزجان ولایت کې د اسلامي امارت او ترکمنستان هېواد د پولهساتو ځواکونو ترمنځ نښته رد کړه او په دې اړه خپاره شوي خبرونه یې ناسم بللي دي. سمنګاني نن شپه پر خپل ټویټرپاڼه لیکي: «د افغانستان او ترکمنستان پر پوله د شخړې په اړه خپاره شوي خبرونه ناسم دي.»
انعام الله سمنګاني زیاته کړې چي د افغانستان او ترکمنستان ترمنځ هېڅ ستونزه نشته او اسلامي امارت له دغه هېواد او د نړۍ ټولو هېوادونو سره رغنده او مثبتې اړيکې غواړي.
د سلاموطندار پښتو فېسبوکپاڼه وڅارئ
خو تر دې مخکې د جوزجان د اطلاعاتو او فرهنګ رییس هلال بلخي سلاموطندار ته وویل چې د دغه ولایت په خماب ولسوالي کې د اسلامي امارت او ترکمنستان سرحدي ځواکونو ترمنځ نښته شوې ده.
بلخي ویلي وو چې څو ورځې وړاندې ترکمن پولهساتو ځواکونو یو افغان ملکي وګړی وژلی او بل يې ډبولی و چې د اسلامي امارت ځواکونو پرون سهار د خماب ولسوالي سرحدي کرښې ته تللي وو او ترکمن سرحدي ځواکونو له غبرګون سره مخ شول.
د جوزجان د اطلاعاتو اوفرهنګ رييس زياته کړه چې وروسته د اسلامي امارت ځواکونو هم ځوابي ډزې کړي، خو په دې نښته کې د اسلامي امارت ځواکونو ته زیان نه دی اوښتى .
له دې وړاندې هم د اسلامي امارت پولهساتو ځواکونو د ایراني او پاکستاني پوله ساتو سره د سرحدي ستونزو پر سر شخړه کړې وه.
