د کندهار اوسېدونکي وايي، کورونا ویروس په دغه ولایت کې د ځوانانو، په تېره د ماشومانو پر روحیې ناوړه اغېزې کړې دي.
د دوی په وینا، کندهار کې ګڼشمېر ماشومان او ځوانان له زدهکړو بېبرخې شوي او ډېری یې لا هم پر کورونا د اخته کېدو له وېرې له رواني ستونز سره لاس او ګرېوان دي.
د کندهار د یوشمېر ښوونځیو مدیران وایي، کورونا ناروغي د زدهکوونکو پر زدهکړو سربېره د دوی پر ټولنیزو اړیکو هم منفي اغېزې کړې دي.
ننګرهار د سرحدي ولايتونو له ډلې یو هغه دی چې اوسېدونکي یې د کورونا ويروس له ګواښ سره لاس او ګرېوان وو. دغه ولایت ته له کوزې پښتونخوا څخه د مسافرو او کډوالو راتګ هغه څه و چي د کورونا ويروس د خپرېدو په اړه یې خلک اندېښمن کړي وو. اوس يوشمېر مېرمنې وایي، له یوې خوا یې کورونا د وجود مقاومت کمزوری کړی او بلهخوا د بېکارۍ له کبله له ګڼو اقتصادي ستونزو سره لاس او ګرېوان دي. د دوی په وینا، د نارینهوو ډېر وخت پر کور پاتې کېدل، د خاوند او مېرمنې ترمنځ د تاوتریخوالي لامل شوي دي.
د عامې روغتیا وزارت وايي، تر اوسه یې په ۳۴ ولایتونو کې ۱۱۹ زره او ۸۴۰ کسانو ته د کورونا واکسین ورکړی دی. د مسوولانو په وینا، واکسین شوي کسان روغتیايي او د رسنیو کارکوونکي، ښوونکي، دولتي کارکوونکي، بندیان او له ګاونډیو هېوادونو څخه بېرته راستنېدونکي کسان شامل دي. د روغتیا وزارت د چارواکو په وینا، په کابل، هرات، ننګرهار او کونړ کې په ترتیب سره ډېرو کسانو واکسین کړی دی.
د عامې روغتیا وزارت وايي چې په تېره یوه شپه او ورځ کې ۴ کسان د کورونا له کبله مړه شوي او ۶۲ نور پرې اخته شوي دي. تازه پېښې په ۸ ولایتونو کې ثبت شوې دي. دغه وزارت نن په خپل ورځني راپور کې لیکلي چې په تېرو څلېرویشت ساعتونو کې یې د ۲ زره او ۳۵ کسانو نمونې چې د کورونا شک پرې کېده، کتلې دي. په همدې موده کې ۱۷ نور کسان چې پر کورونا ویروس اخته وو، بېرته ښه شوي دي.
د عامې روغتیا وزارت وايي چې په تېرو څلېرویشت ساعتونو کې ۱۱ کسان د کورونا له کبله مړه شوي او ۴۱ نور پرې اخته شوي دي. تازه پېښې په اوو ولایتونو کې ثبت شوې دي.
دغه وزارت نن په خپل ورځني راپور کې لیکلي چې په یاده موده کې ۱۶۹۲ کسانو د کورونا ټېسټونه کړي او په وینا یې، ۶۳ نور بیا بېرته رغېدلي دي.
د میدان وردګ ولایت یوشمېر هغه اوسېدونکي چې له کورونا ویرووس نه بېرته رغېدلي، وېرېږي، که بیا پر دې ناروغي اخته شي، مړه به یې کړي.
د دوی په وینا، کورونا یوه وژونکې ناروغي ده چې باید جدي وګڼل شي او په اړه یې ټولو روغتیايي لارښوونو د ډاکټرانو سپارښتنو ته پام وشي.
د عامې روغتیا وزارت وايي چې په تېرو څلېرویشت ساعتونو کې ۸ کسان د کورونا ویروس له کبله مړه شوي او ۷۰ نور پرې اخته شوي دي. تازه پېښې په ۱۲ ولایتونو کې شوې دي. د روغتیا وزارت د معلوماتو له مخې، د کورونا له کبله د مړینې دا شمېرې په وروستیو څو میاشتو کې تر ټولو ډېرې دي.
د لغمان ولایت یو شمېر اوسېدونکي لا هم له کورونا رنځېږي او شکايت کوي چې اوس هم د دوی په وجود کې د کورونا ناروغۍ نښې شته چې د دوی پر روان يې ناوړه اغېزه کړې. د ياد ولایت د مهترلام ښار د سلطان غازي بابا د سیمې اوسېدونکی رحمت الله وايي، نوموړی يې د کورونا په لومړۍ څپه کې ونيو؛ خو ترې روغ شو او دغې ناروغۍ ته يې ماتې ورکړه.
د کورونا ویروس چې په نږدې ټوله نړۍ کې خپور شوی، د پیدا کېدو او خپرېدو یې له یوه کاله ډېره موده کېږي. په لومړي ځل د چین د ووهان ښار یو اوسېدونکی پر دغه ویروس اخته شو. که څه هم خلکو د دغه ویروس له خپرېدو وروسته د ټولنیز واټن او نظافت په پام کې نیولو او ماسک اچولو سپارښتنې په پام کې نیولي، خو لا هم په ترکیه کې هره ورځ لسګونه کسان د دغه ویروس له کبله مړه کېږي او سلګونه نور پرې اخته کېږي.
بدخشانن کې د نري رنځ د درملنې څانګې مسوولان وايي چې د کورونا ویروس په خپرېدو سره د دغو ناروغانو د درملنې بهیر له ستونزو سره مخامخ شوی دی.
د دوی په وینا، له کورونا مخکې پر نري رنځ د اخته کسانو درملنه ۹۴ سلنه په بریالیتوب سره کېده او هر کال به یې د ګڼشمېر کسانو درملنه کوله، خو اوس کورونا پر دغه بهیر سیوری غوړولی دی.
د نړیوال بانک مدیره پلاوي پرون له افغانستان سره د دغه بانک ۹۷،۵ میلیونه ډالره وړیا مرسته تصویب کړې ده.
دا پیسې به د نړیوالې پرمختیايي ادارې له لوري د وچکالۍ او د کورونا ویروس له کبله د خوراکي خوندیتوب په موخه د افغانستان په کلیو کې ولګول شي.
نړیوال بانک ویلي چې د دغو مرستو یوه برخه به په افغانستان کې د وچکالۍ اغېزو د ژر مخنیوي په برخه کې ولګول شي.
ساحل د نورستان ولایت اوسېدونکی دی او د کورونا په لومړۍ څپه کې یو له هغو لسګونو نورستانیانو وو چې پرې اخته شو. نوموړی وايي، د کورونا ناروغۍ پر ضد په جوړ شوي مرکز کې يې درملنه شوې ده.
ساحل وایي، که څه هم اوس ښه دی؛ خو نفس تنګي او د بدن سستیا لا هم ورسره ده او ترې نه دی اوزګار شوی.
د عامې روغتيا وزارت مسوولان وايي، په لومړي پړاو کې به پر ۲۰ سلنه افغانانو د کورونا واکسين تطبیق شي. د ياد وزارت سرپرست وحید مجروح نن په کابل کې په يوه خبري ناسته کې وويل، له ۵۰۰ډوزه د کورونا واکسين چې هند مرسته کړی، په لومړي پړاو کې به يې روغتيايي کادرونه، بيا امنيتي ځواکونه او ورپسې خبريالان واکسين شي.
د مجروح په وينا، په دويمه او درېيمه مرحله کې به کورونايي ناروغان…
افغانستان له هنده د کورونا واکسین لومړۍ جوپه ترلاسه کړه. د کورونا واکسین دغه بسته ۵۰۰ زره ډوزه ده؛ خو تراوسه يې د نړيوال روغتيايي سازمان تاييدي نه ده ترلاسه کړې.
د عامې روغتیا وزارت سرپرست وحيدالله مجروح د ياد واکسين د ترلاسه کولو پر مهال د حامد کرزي نړيوال هوايي ډګر کې رسنیو ته وويل، ټاکل شوې چې په دې شمېر واکسین سره ۲۵۰ زره افغانان واکسین شي.
د عامې روغتیا وزارت وايي، کورونا په تېره يوه شپه او ورځ کې په هېواد کې يو کس مړ کړی دی کسان مړه کړي او ۱۲ ولايتونو کې ۶۲ نورې تازه پېښې ثبت شوي دي.
دغه وزارت نن په خپل ورځني راپور کې ویلي، دومره موده کې يې د ۲۰۲۵ شکمنو کسانو نمونې کتلي.
د عامې روغتیا وزارت وايي، په تېره يوه شپه او ورځ کې د کورونا ۱۳ مثبتې پېښې ثبت شوې دي او د مړينې هېڅ پېښه نه ده ثبت شوې. دغه وزارت نن په خپل ورځني راپور کې ویلي، دومره موده کې يې د ۸۴۰ شکمنو کسانو نمونې کتلي.
د ياد وزارت د معلوماتو له مخې، په همدې موده کې له کورونا ۳کسان بېرته ښه شوي هم دي. د راپور پربسټ، تازه پېښې په ۸ ولايتونو کې ثبت شوې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
