د فاریاب مرکز میمنې ښار اوسېدونکی نثاراحمد سلاموطندار ته وايي چې تېره ورځ یې د یوې ټرافیکي پېښې له امله د کورنۍ یوولس غړي مړه او څلور نور ټپیان شوې دي.
نثاراحمد وايي چې دغه پېښه د موټرچلوونکي د بېاحتیاطۍ له امله رامنځته شوې چې پرمهال یې د کورنۍ غړي مړه او ټپیان شوې دي.
د کورنیو چارو وزارت ویاند عبدالمتین قانع نن د یوې خبري غونډې پر مهال د دغه وزارت د امنیتي وضعیت او د امنیت ټینګ په برخه کې د مسوولانو د اجرااتو په اړه تازه جزیات له رسنیو سره شریک کړل.
د کابل ښار د دشتبرچي سیمې د فروشګاه تمځای یوشمېر اوسېدونکي شکایت کوي چې په دې سیمه کې پر نشهيي توکو اخته کسان ډېر شوي دي. دوی سلاموطندار ته ویلي چې روږدي کسان دغلته تر مروارید پله لاندې را ټولېږي او د سیمې اوسېدونکي یې له غلاوو او ځورونو تر پوزې راغلي دي.
پر ټولنیزو رسنیو د ا.ا اړوند ځواکونو له لوري د یوه ځوان د وهلو ویډیو له خپرېدو وروسته، د پلازمېنې یوشمېر اوسېدونکي له خلکو سره د ا.ا د ځواکونو له ناسم چلن څخه شکایت کوي. د امربالمعروف و نهېعن المنکر وزارت ویاند عاکف مهاجر سلام وطندار ته وویل، دغه محتسب ټکسي چلوونکي ته د سپکاوي په تور د اسلامي امارت لهخوا نیول شوی دی.
د کورنیو چارو وزارت پر خپله ټوېټرپاڼه لیکلي چې د کابل د دویمې امنیتي حوزې اړوند ملک اضغر څلور لارې کې د پولیسو چکپواینټ ته نږدې موخې ته له رسېدو مخکې د امنیتي ځواکونو له لوري په نښه شوی او وژل شوی دی.
پېښه نن دوشنبه د وري اوومه له غرمې وروسته رامنځته شوې ده. یاده سیمه د بهرنیو چارو وزارت ته په څو قدمۍ کې پرته ده.
د کورنیو چارو وزارت مسوولانو نن دوشنبه د کب ۲۹مه کابل کې د یوې خبري ناستې پر مهال وویل چې د ۱۴۰۱ کال له پیل راهیسې تراوسه په ټول هېواد کې ۱۱زره او ۸۹۰ جرمي پېښې رامنځته شوي دي. د یاد وزارت د مسوولانو په وینا، د دغو پېښو په تړاو ۱۶زره او ۶۵۸ کسان هم نیول شوي دي.
د کورنیو چارو وزارت او د یاد وزارت اړوند د ټرافیکو عمومي ریاست مسوولانو نن شنبه د کب۲۰مه کابل کې د یوې ګډې خبري ناستې پر مهال د یو کیلي «ښي لاس» موټرو د ثبت بهیر له پیلېدو خبر ورکړ.
د کورنیو چارو وزارت ویاند عبدالنافع ټکور وايي چې نن سهار د بدخشان د امنیې قومندان ودانۍ ته څېرمه په یوه موټر کې ځای پر ځای شویو چاودېدونکو توکو ته چاودنه ورکړل شوې چې مرګژوبله یې اړولې ده.
عبدالنافع ټکور ویلي چې په چاودنه کې د بدخشان د امنیه قومندان عبدالحق ابو عمر په ګډون درې کسان وژل شوي او دوه نور ټپیان دي.
د احصایې او معلوماتو ملي ادارې مسوولان وايي چې له دې وروسته به نوې چاپېدونکې برښنايي پېژندپاڼې د کورنیو چارو وزارت د نوم پرځای د احصایې او معلوماتو ملي ادارې په نوم چاپ شي.
د یادې ادارې سرپرست فقیرمحمد زیار نن سهشنبه د لړم درېیمه کابل کې یوې خبري ناستې پرمهال دغه څرګندونې وکړې.
د کورنیو چارو وزارت د دغه وزارت د پاسپورټ عمومي ریاست د یوې خبرتیا په خپرولو سره وايي چې سر له سبا په کابل کې د پاسپورټ د وېش بهیر ځنډېږي.
پاکستان کې د ټيټيپي یا (تحریک طالبان پاکستان) وروستیو بریدونو ته په پام د دغه هېواد د کورنیو چارو وزارت په یوې خبرپاڼه کې ویلي، د یادې ډلې د بریدونو زیاتېدو اندېښمن کړي دي.
د کورنیو چارو وزارت ویاند عبدالنافع ټکور وايي چې د دغه وزارت په یوه جومات کې نننۍ چاودنې څلور کسان وژلي او ۲۵ نور یې ټپیان کړي دي.
ټکور وايي چې چاودنه نن ماسپښین شاوخوا یوهنیمه بجه شوې او په وینا یې، وژل شوي او ټپیان ټول لمونځکوونکي وو.
هغه د چاودنې د ډول او څرنګوالي په اړه څه نه وايي.
د کورنیو چارو وزارت نن د یوې خبري ناستې پرمهال د خپل تېر یوه کال لاستهراوړنې له رسنیو سره شریکې کړې.
کورنیو چارو وزارت په یوې خبرپاڼه کې لیکلي، هغه افغانان چې په نورو هېوادونو کې یې په نظامي برخو کې د «لېسانس، ماسټرۍ او دوکتورا» تر کچې پوځي زدهکړې کړې وي، پر دندو ګوماري.
د اسلامي امارت د کورنیو چارو وزارت نن په یوه خبرپاڼه کې ویلي چې هېڅ خصوصي شرکت یا ورکشاپ د مخابراتي وسایلو د ترمیم یا پروګرام حق او اجازه نه لري.
د اسلامي امارت چارسمبالې کابینې نن د ملا محمدحسن اخند په مشري په خپله غونډه کې د کورنیو چارو وزارت اړوند د پولیسو لپاره د ځانګړي یونیفورم طرحه له لږ بدلون سره تصویب کړه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
