د غزني امنیتي مسوولان وايي چې دغه ولایت کې د هاوان مرمۍ د سرګلولې چاودنې له کبله یوه ماشوم خپل ژوند له لاسه ورکړی دی.
د غزني امنیه قومندان خالد سرحدي سلاموطندار ته ویلي چې پېښه پرون جمعه د غويي اتمه د دغه ولایت د ناوې ولسوالي اړوند «مټاخان» کلي کې رامنځته شوې ده.
مېدانوردګ کې له تېرو جګړو څخه پاتې د هاوان مرمۍ د سرګلولې چاودنې له کبله پنځه ماشومان وژل شوي او دوه نور ټپیان دي.
د میدانوردګ چارواکي وایي، پرون جمعه (د غويي اتمه) شاوخوا ۴بجې د دغه ولایت د سیداباد ولسوالي دښتټوپ سیمې په «دیوالګي» کې د هاوان مرمۍ د سرګلولې چاودنې له امله پنځه ماشومان وژل شوي او دوه ټپیان دي.
د غزني امنیتي مسوولان وايي چې دغه ولایت کې د لاسي بم چاودنې له کبله دوه ماشومان وژل شوي دي.
د غزني د امنیې قومنداني ویاند خالد سرحدي سلاموطندار ته وايي چې پېښه د دغه ولایت د ناور ولسوالي په «ګلزار برجګي» کلي کې رامنځته شوې چې پرمهال یې یوه هلک او یوې نجلۍ خپل ژوند له لاسه ورکړی دی.
د میدانوردګ امنیتي مسوولان وايي چې دغه ولایت کې د یوه راکټ د سرګلولې د چاودنې له کبله دوه ماشومان وژل شوي دي.
د میدانوردګ د امنیې قومنداني ویاند محمدیوسف اسرار سلاموطندار ته ویلي چې دغه پېښه تېره ورځ د یاد ولایت د سیداباد ولسوالي اړوند «تنګي دره» کې رامنځته شوې ده.
د جوزجان د امنیې قومانداني ویاند عبدالستار حلیمي وايي چې د دغه ولایت په قوشتپې ولسوالي کې د یوه لاسي بم په چاودنه کې دوه ماشومان وژل شوي او څلور نور ټپیان دي.
د نوموړي په وینا، یادو ماشومانو دغه بم موندلی و او لوبې یې پرې کولې چې چاودلی دی.
پاکستاني رسنیو راپور ورکړی چې دغه هېواد کې د یوې چاودنې پر مهال د یوه لوړپوړي پولیس چارواکي په ګډون څلور پولیس وژل شوي او شپږ نور ټپیان دي.
رسنیو نن پنجشنبه د مارچ ۳۰مه راپور ورکړی چې چاودنه نن سهار د خېبرپښتونخوا ایالت لکي مروت سیمه کې رامنځته شوې ده.
د غزني محلي مسوولان وايي چې د دغه ولایت په واغظ ولسوالي کې د هاوان مرمۍ چاودنه کې یو ماشوم وژل شوی او پنځه نور ټپیان شوي دي. د درېوو ټپیانو روغتیايي وضعیت نازک ښودل شوی دی. د هغه په وینا، یاده پېښه د غزني ولایت د واغظ ولسوالي په «چهارده» کلي کې شوې ده.
د لوګر د څلورمې پلې لوا قوماندان مولوي محمدګل خیبر سلاموطندار راډيو ته ویلي چې پرون د جمعې ورځ، مازدیګر مهال د دغه ولایت د مرکز پلعلم اړوند په «التمور» سیمه کې پر ماشومانو د هاوان سرګلوله چاودلې چې له کبله یې دوه ماشومان وژل شوي او دوه نور ټپیان دي.
بلخ کې د خبریالانو پر یوې غونډې د شوې چاودنې مسوولیت داعش ډلې پر غاړه اخیستی دی.
العربیه رسنۍ راپور ورکړی چې داعش ډلې یکشنبه د کب ۲۱مه پر خپل ټلګرام اعلان کړی چې د بلخ مرکز مزارشریف ښار اړوند د خبریالانو پر غونډې د شنبې ورځې چاودنه دوی کړې ده.
بلخ کې د خبریالانو پر غونډې شوې چاودنې ته د غبرګونونو په لړ کې د افغانستان لپاره د ملګروملتونو ځانګړي رپورټر ریچارډ بنټ د افغان خبریالانو د لا ملاتړ غوښتنه وکړه. د یادونې وړ ده چې د تبیان فرهنګي مرکز کې تېره ورځ داسې مهال چاودنه وشوه چې یاد مرکز کې د خبریالانو د ملي ورځې نمانځنې لپاره تیاری نیول شوی و.
کابل پرېس کلب په بلخ کې پر خبریالانو د ننني برید په اړه یوه خبرپاڼه کې لیکلي چې ملګري ملتونه دې دغه برید په هراړخیز ډول وڅېړي.
کابل پرېس کلب له اسلامي امارت څخه هم غوښتي چې نه یوازې د خبریالانو ساتنه وکړي، بلکې خپل ځواکونه د هغوی په حقونو وپوهوي، څو په ازاد ډول خپل رسنیز کار وکړي.
په افغانستان کې د ملګرو ملتونو ځانګړې استازولۍ یا یوناما بلخ کې د خبریالانو پر غونډې چاودنه غندلې او د تاوتریخوالي پر پای ته رسېدو یې ټینګار کړی دی.
د کورنیوچارو وزارت ویاند عبدالنافع ټکور وايي چې نن له غرمې مخکې ۱۱:۳۰ د مزارشریف ښار د دویمې امنیتي حوزې اړوند «تبیان» فرهنګي مرکز کې چاودنه شوې ده. د کورنیو چارو وزارت ویاند ټينګار کړی چې پېښه کې د ټپیانو روغتیايي وضعیت د ډاډ وړ دی او امنیتي ځواکونه د پېښې ځای ته رسېدلې دي.
بلخ کې محلي سرچینې سلاموطندار ته وايي چې نن له غرمې مخکې (شنبه، کب۲۰مه) د مزارشریف ښار د دویمې امنیتي حوزې اړوند سیمه کې د «تبیان» په نوم فرهنګي مرکز کې د خبریالانو پر یوې غونډې چاودنه شوې چې مرګژوبله یې اړولې ده.
د سرچینې په وینا، ټاکل شوې وه چې دغه مرکز کې د خبریالانو ملي ورځ ونمانځل شي.
د بلخ امنیتي مسوولان وايي چې نن پنجشنبه د کب ۱۸مه د یوه ځانمرګي برید پر مهال د یاد ولایت والي «محمدداوود مزمل» وژل شوی دی.
د بلخ د امنیې قومنداني ویاند محمداصف وزیري وايي، چاودنه نن له غرمې مخکې د ولایت مقام کې دننه رامنځته شوې او د یاد ولایت والي وژل شوی دی. تراوسه کوم چا یا ډلې د یادې چاودنې مسوولیت نه دی منلی.
د پکتیا امنیتي مسوولان وايي چې نن یکشنبه د کب ۱۴مه د دغه ولایت د څمکنیو ولسوالي اړوند یوه کور کې د چاودنې له امله د یوې کورنۍ دوه غړي وژل شوي او درې نور ټپیان دي.
د پکتیا د اطلاعاتو او فرهنګ رییس ثواب جان اسلامیار سلاموطندار ته وايي، چاودنه نن سهار اووه بجې د څمکنیو ولسوالي په سلیمانخېلو بټ کې رامنځته شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
