د پاکستان د مشرانو جرګې غړیو پرون په کورنیو ټاکنو کې د دغه هېواد پخوانی لومړی وزیر یوسف رضا ګیلاني د خپل مشر په توګه ټاکلی دی.
اېکسپرېس ټرېبیون لیکلي چې ګیلاني پرون (د اپرېل نهمه، د سهشنبې ورځ) د ۴۱ مثبتو رایو په ګټلو سره د مشرانو جرګې د رییس په توګه ټاکل شوی دی.
د پاکستان یوې ځانګړې محکمې نن د دغه هېواد پخوانی لومړی وزیر عمران خان او د بهرنیو چارو پخوانی وزیر شاهمحمود قریشي په لس کاله بند محکوم کړل. د عمران خان په مشري د پاکستان تحریک انصاف ګوند هم په لس کاله بند د ده محکومېدو خبر تایید کړی دی.
د ایکوادور ولسمشريزو ټاکنو ته نوماند فرناندو ویلاوېسېنسیو د دغه هېواد په پلازمېنه کويټو کې د يوه وسله والو برید پر مهال وژل شوی دی.
پاکستاني پولیسو نن «د زمري څوارلسمه، د شنبې ورځ» په لاهور کې د پاکستان پخوانی لومړی وزیر او د تحریک انصاف ګوند مشر نیولی دی.
پولیسو له هغه وروسته عمران خان نیولی چې د اسلاماباد لومړنۍ محکمې هغه ته د مالي غبن او د بهرنیو هېوادونو له مشرانو څخه د ډالیو ترلاسه کولو په قضیه کې ګرم وباله او د درېوو کلونو بند سزا یې ورته واوروله.
د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.
هنديالاصله بریټانیایی ریشي سونک د دغه هېواد د محافظهکار ګوند لپاره په شویو ټاکنو کې وتوانېد چې د دغه ګوند مشري وګټي او په دې سره به د بریټانیا د لومړي وزیر په توګه هم خپل کار پیل کړي.
ریشي سونک چې ۴۲ کاله عمر لري، لومړنی تورپوستی او په خټه د اسیا دی چې د بریټانیا د لومړي وزیر په توګه ټاکل کېږي. هغه به د بریټانیا اووهپنځوسم او د دغه هېواد په معاصر تاریخ کې تر ټولو ځوان لومړی وزیر هم وي.
په داسې حال کې چې پرون بېګاه د پاکستان پارلمان د دغه هېواد لومړي وزیر عمرانخان ته د نه باور رایه ورکړه او هغه یې له واکه لرې کړ، د دغه هېواد پارلمان سبا د نوي لومړي وزیر لپاره ټاکنې کوي.
وروسته له هغې چې د پاکستان پارلمان د دغه هېواد لومړي وزیر عمران خان ته د نه باور رایه ورکړه او هغه یې له واک څخه لرې کړ، اوس د هغه د ځای ناستي ټاکلو لپاره هڅې روانې دي.
دې وروستیو کې یو شمېر افغان او بهرنيو سیاستوالو ټینګار کړی، چې د اسلامي امارت د مشروعیت لپاره دې لویه جرګه یا یوه شورا جوړه شي او یا دې هم د ټاکنو له لارې لا ډېر مشروعیت ترلاسه کړي. د اسلامي امارت مرستیال ویاند بلال کریمي بیا وایي چې شته نظام عام او تام کورنی مشروعیت ترلاسه کړی او ټول ولس پرې باور لري.
د اسلامي امارت مسوولان له تېرو څه باندې ۳ میاشتو راهیسې له کله چې واک یې ترلاسه کړی د خپل حکومت په رسمیت پېژندلو غوښتنه کوي او په دې برخه کې یې د سیمې او د نړۍ له یوشمېر هېوادونو سره هم ناستې کړي، خو لاهم دا چاره نه ده عملي شوې. دوی وايي، د حکومت د رسمیت پېژندنې ټول شرایط یې پوره کړې دي.
ولسمشر محمداشرف غني وايي، افغانستان د سقوط په پړاو کې نه دی او افغان امنیتي او دفاعي ځواکونه په خپلواک ډول د هېواد او خلکو د دفاع وړتیا لري. ارګ د یوې خبرپاڼې په خپرولو سره ویلي چې ولسمشر دا څرګندونې پرون ماښام په انلاین ډول د نظامي ګنجوي نړیوال مرکز په غونډه کې کړې دي.
د خبرپاڼې پر بنسټ، محمداشرف غني په دې غونډه کې ټینګار کړی چې افغان امنیتي او دفاعي ځواکونه له کلونو راهیسې ۹۴ سلنه عملیات په خپلواک ډول کوي.
نږدې یوه میاشت وړاندې د ټاکنیزو کمیسیونونو له لوري د ټاکنو قانون تعدیل طرحه چمتو او د قانوني پړاو تېرېدو او تصویب لپاره عدلیې وزارت ته ولېږل شوه. د ټاکنیزو بنسټونو او مدني ټولنو مسوولانو د ټاکنو قانون تعدیل په تړاو نن په یوې غونډه کې په دغه قانون کې د بنسټیزو اصلاحاتو رامنځته کېدو غوښتنه وکړه.
د ټاکنو خپلواک کمېسیون مسوولان وايي، د دغه کمېسیون د حقوقو ریاست تر څار لاندې یوې کمېټې له ټاکنیزو شریکانو، ګوندونو، مدني ټولنې او نورو اړوندو ښکېلو خواوو سره د ټاکنو پر قانون شپږ میاشتې کار کړی او د پام وړ بدلونونه پهکې راغلي دي.
د ولسمشر لومړی مرستیال امرالله صالح وايي، ولسمشر ته د امریکا د بهرنیو چارو وزیر له خوا د را لېږل شوي لیک په اړه یې له امریکايي پلاوي سره مفصلې خبرې کړې دي.
صالح چې د محمدقسیم فهیم په تلینغونډه کې خبرې کولې وویل، امریکايي لوري ته یې ویلي چې له افغانانو د رایې ورکولو حق نه شي اخیستلی او که له طالب ډلې سره د ټاکنو په اړه هوکړې ته ورسېږي، نور مسایل په اسانۍ حل کېدای شي.
ولسي جرګې له ژمنیو رخصتیو او د ۱۷مې تقنینې دورې د درېیم کال له پرانېستغونډې وروسته د دې جرګې د مرستیالانو او منشیانو د ټاکلو لپاره ټاکنې وکړې.
د ولسي جرګې ۲۲۷ غړیو په دغو ټاکنو کې خپلې رایې وکارولې چې د یادو څوکیو لپاره هر نوماند باید د بریا لپاره ۱۱۴ ټاکنې ګټلې وای.
ولسمشر محمداشرف غني د سولې پروسې د چټکۍ په اړه د افغان سولې لپاره د امریکا د بهرنیو چارو وزارت د ځانګړي استازي زلمي خلیلزاد له غوښتنې یوه شپه او ورځ وروسته یو ځل بیا ټینګار وکړ چې د ټاکنو له لارې د واک پر لېږد به معامله نه کېږي. ولسمشر دا څرګندونې نن د ملي شورا د اوولسمې دورې د درېیم کاري کال په پرانېستغونډه کې وکړې. هغه وايي، د یوې تلپاتې او رښتینې سولې لپاره چې د افغانستان خپلواکي او د خلکو له لوري د خپل برخلیک ټاکل پهکې په پام کې ونیول شي، قربانۍ ته تیار دی، خو په وینا یې، له اساسي قانون څخه به تېر نه شي. ولسمشر غني له طالبانو هم وغوښتل چې شعارونه پرېږدي، تاوتریخوالی کم کړي او د سولې مخامخ خبرو ته حاضر شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
