د پاکستان یوې ځانګړې محکمې نن د دغه هېواد پخوانی لومړی وزیر عمران خان او د بهرنیو چارو پخوانی وزیر شاهمحمود قریشي په لس کاله بند محکوم کړل.
د سلاموطندار پښتو فېسبوکپاڼه وڅارئ
پاکستاني رسنیو خبر ورکړی چې د پټو رازونو د ښودلو جرمونو ته د رسېدو ځانګړې محکمې دغه دوه پخواني چارواکي د «سایفر» په نوم د یوه پټ سند د ښودلو له کبله مجرمان ګڼلي دي.
د عمران خان په مشري د پاکستان تحریک انصاف ګوند هم په لس کاله بند د ده محکومېدو خبر تایید کړی دی.
خو د عمران خان مدافع وکیل ویلي چې سبا به د محکمې د دغه حکم پر وړاندې د استیناف محکمې غوښتنه وکړي.
عمران خان او د هغه د ګوند بل مخکښ غړی شاهمحمود قریشي ته داسې مهال دا سزا ورکول کېږي چې د دغه هېواد ټولټاکنو ته یوازې د ګوتو په شمېر ورځې پاتې دي.
