د عامې روغتیا سرپرست وزیر قلندر عباد د افغانستان لپاره د روغتیا نړیوال سازمان د ختیځې مدیترانې له عمومي رییس حنان حسن بلخي او د یونیسف له استازي سره د لیدنې پر مهال په ولسوالیو کې د روغتونونو او په افغانستان کې د ساري ناروغیو د کنټرول او د روغتیايي سېسټم پر پیاوړتیا ټینګار کړی دی.
د روغتیا نړیوال سازمان په یوه راپور کې ویلي چې د روان کال پر مهال څلور میلیونه افغان ماشومان او میندې چې څه باندې درې میلیونه یې یوازې ماشومان دي، پر خوارځواکۍ اخته شوي دي.
سلاموطندار د کابل ښار د ماشومانو د روغتیا یا اندراګاندي روغتون کې له یوشمېر هغو میندو سره خبرې کړي چې یا خپله او یا یې هم ماشومان پر خوارځواکۍ اخته شوي دي.
پېښو ته د رسېدو په چارو کې د دولت وزارت مسوولان وايي چې هرات کې د شوې زلزلې له امله د مړو او ټپیانو شمېر څه باندې ۴۰۰۰ کسانو ته لوړ شوی دی.
د خوست د امنیې قومانداني ویاند مستغفر ګربز وايي چې امنیتي مسوولانو د امر بالمعروف او نهې عنالمنکر ریاست له مسوولانو سره په همغږۍ اته کوډګر د خوست ښار په شینکۍ سیمه او شپږ نور کوډګر هم د دغه ولایت په ځاځي میدان ولسوالي کې نیولي دي.
ملت ته د دولت د حساب ورکولو په دوام، د امر بالمعروف او نهې عنالمنکر وزارت مسوولانو نن د دغه وزارت د تېر یوه کال کاري راپور چې تل یې په کور دننه او بهر غبرګونونه را پارولي وو، وړاندې کړ. دغه وزارت په تېره یوه کال کې د افغان ښځو پر وړاندې بېلابېل محدودیتونه لګولي او همدا لامل و چې وختناوخت به یې د خبرونو د سر ټکي جوړول.
د کانونو او پټرولیم وزارت مسوولان وايي چې دا مهال په ټول هېواد کې ۲۰۰ کوچني کانونه فعال دي چې د ۱۰۸ کانونو د استخراج قراردادونه یې تېر کال شوي دي.
د یاد وزارت مسوولانو دغه څرګندونې نن دوشنبه د زمري دویمه «ملت ته د دولت د حساب ورکولو پروګرام» کې کړې دي.
د یوشمېر لرې پرتو ولایتونو اوسېدونکي داسې مهال روغتیايي امکاناتو ته د نه لاسرسي په اړه ګیله کوي چې د روغتیا نړیوال سازمان ویلي چې ۱۷ میلیونه او ۶۰۰ زره افغانان په روان زېږدیز کال کې روغتیايي مرستو ته اړتیا لري.
د افغانستان د ژورنالېستانو او رسنیو فدراسیون نن په یوه خبرې غونډه کې د افغان رسنیو د پیاوړتیا پر لارو چارو خبرې وکړې.
د طبیعي پېښو پر وړاندې د مبارزې په چارو کې د دولت وزارت وايي، د سږني ژمي سړې هوا، سېلابونو او ګازو له کبله په هېواد کې ۱۶۶ کسان مړه شوي او ۸۰ زره څاروي هم له منځه تللي دي. په همدې حال کې د غور یو اوسېدونکی عبدالظاهر وایي، همدا تېره اوونۍ یې یو ماشوم د سړې هوا له امله مړ شوی دی.
د کرنې، اوبو لګولو او مالدارۍ وزارت سرپرست عطاالله عمري وايي، سربېره پر دې چې افغانستان د طبیعي سرچینو او کرنې له پلوه شتمن هېواد دی، خو دې برخه کې د پام وړ لاستهراوړنې نهلري.
نوموړي دغه څرګندونې نن یکشنبه د سلواغې دویمه کابل کې د «کرنیزې پرمختیا صندوق د اسلامي مالي محصولاتو» پرانېستغونډه کې کړې دي.
د عامې روغتیا وزارت د روغتیايي کارکوونکو د هڅونې او ستاینې په موخه نن کابل کې د «ټولنې د روغتیايي کارکوونکو ملي ورځ» ونمانځله.
د رییسالوزرا دویم مرستیال عبدالسلام حنفي وايي، د لوړو زدهکړو وزارت باید د پوهنتونونو نصاب نننیو اړتیاوو ته په کتو جوړ او پلی کړي. په همدې حال کې د اسلامي امارت یو لوړپوړی غړی عبدالحمید حماسي په دې غونډه کې د عصري زدهکړو پر پیاوړتیا د ټینګار ترڅنګ وویل چې اسلامي امارت باید دې برخې ته ځانګړی پام وکړي.
افغانان له څه باندې څلورو لسیزو راهیسې له جګړو او تاوتریخوالي سره لاس او ګرېوان دي. که دغه وضعیت له یوې خوا خلکو ته بېساري سیاسي او اقتصادي زیانونه اړولي، بلهخوا یې له روحي او اروايي اړخه هم سخت ځپلي دي. د روغتیا وزارت د پلان او پالیسي مرستیال محمدحسن غیاثي وايي چې د هرو دوو افغانانو له ډلې یو یې له سختو اروايي ستونزو کړېږي.
د عامې روغتیا وزارت په افغانستان کې د شري ناورغي د زیاتوالي په اړه د ملګرو ملتونو له اندېښنو وروسته سلاموطندار ته ویلي چې هېواد کې یې د شري ناروغي د زیاتوالي مخه نیولې او په ډېری سیمو کې یې لپاره د واکسین کمپاین هم پیل شوی دی. ډاکټران
د ملي دفاع وزارت ویاند عنایتالله خوارزمي نن پر ټویټر لیکلي چې پکتیا کې پر منصوري او هلمند کې پر عزم قول اوردوګانو د بریدونو ادعاوې ناسمې دي.
د سوداګرۍ او صنایعو وزارت سرپرست نورالدین عزیزي نن ملت ته د دولت د حساب ورکولو غونډه کې وویل چې په نږدې راتلونکې کې به د افغان سوداګرو یو پلاوی د افغانستان کورنیو تولیداتو لپاره د بازارموندنې په موخه روسیې، اوزبکستان او قزاقستان ته ولاړ شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
