د ا.ا د بهرنیو چارو وزارت د ناروې، اسپانیې او ایرلنډ له لوري د یوه خپلواک هېواد په توګه د فلسطین په رسمیت پېژندلو هرکلی کړی او هغه یې یو مثبت ګام بللی دی.
دغه وزارت نن د غبرګولي څلورمه، د جمعې ورځ پر خپلې اېکسپاڼې یوه خبرپاڼه خپره کړې چې پهکې لیکل شوي، دغه پرمختګ داسې مهال کېږي چې اسراییلو پر غزې برید سره «د نسلوژنې جګړهیيز جنایتونه» کوي.
د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅکله پاکستان ته ګواښ نهدی پېښ کړی.
د افغانستان سرپرست حکومت د کاکړ له دغو څرګندونو هرکلی کړی دی.
د ا.ا ویاند ذ.بېحالله م.جاهد په کابل کې د امریکا سفارت د پرانېستلو په اړه له خپرو شویو راپورونو سره سم وايي، که د امریکا د بهرنیو چارو وزارت دا ډول پرېکړه وي، دوی یې هرکلی کوي.
نوموړي په دې اړه سلاموطندار ته ویلي چې په افغانستان کې د امریکا سفارت بیا پرانېستل د دواړو هېوادونو د خلکو په ګټه دي او ا.ا چمتو دی چې په دې برخه کې د امریکا سفارت او ډیپلوماټانو امنیت وساتي.
د ملګرو ملتونو امنیت شورا پرون (د لیندۍ ۲۹مه، د چهارشنبې ورځ) په یوه غونډه کې د افغانستان وضعیت وارزوه.
هرات کې په لومړي خل جوړ شوي دوه موټره نندارې ته وړاندې شول. دغه موټر چې یو یې لیموزین او بل یې د ګرځنده رسټورانټ په بڼه جوړ شوي، پرون پنجشنبه د غويي ۲۸مه د هرات ښار پر سرکونو یې ازمیایښتي حرکت وکړ چې د خلکو له تود هرکلي سره هم مخ شو. د یوه موټر جوړونکی غوثالدین بارکزی سلاموطندار ته وايي چې له فورګرس موټر څخه یې شپږ دروازې لرونکی «لېموزین» ډوله موټر جوړ دی.
د ا.ا حکومت په تازهګۍ سره پرېکړه کړې هغه معلولان او متقاعدین چې د کار کولو وړتیا ولري، په حکومتي ادارو کې به یې پر دندو وګوماري.
خو دغه پرېکړه د معلولانو او متقاعدینو له دوهګوني غبرګون سره مخ شوې ده. یوشمېر متقاعدین له دې پرېکړې د هرکلي ترڅنګ وايي چې ډېری متقاعدین د کار کولو وړتیا لري او په خپلو دندو کې مسلکي دي.
د افغانستان د صنعت او سوداګرۍ ټولنې نن چهارشنبه د وري ۲۳مه د کابل تیمورشاهي سیمه کې په ارزانه بیه د کورنیو تولیداتو او محصولاتو د پلور لپاره د «ارزان بازار» په نوم بازار پرانېست چې لس ورځې به دوام وکړي.
د یادې ټولنې رییس نثاراحمد بهبودي سلاموطندار ته وویل چې دغه بازار یې د اختر شپو او ورځو کې په ارزانه بیه د توکو پېر لپاره خلکو ته جوړ کړی دی.
ازانګه افغان د سږنی کال کانکور ازموینې د زرګونه کډونوالو له ډلې هغه ښځينه زده کوونکې ده چې د ننګرهار پوهنتون د کمپیوټر ساینس پوهنځي ته یې لاره پیدا کړې ده. د فېسبوک ګڼشمېر کارونکو په دې تړاو تبصرې کړي او زده کړو ته د هڅونې او ملاتړ په موخه یې د عزت افغان هڅه ستایلې ده.
د پکتیا اوسېدونکو په مرکز ګردېز او څمکنیو ولسوالي کې له شپږم ټولګي پورته د نجونو د ځینو ښوونځیو له پرانېستلو هرکلی کړی دی.
د مرکز ګردېز اوسېدونکو سلاموطندار ته ویلي، خوښ دي چې له تېرو څو ورځو راهیسې له شپږم ټولګي پورته نجونې زدهکوونکې ښوونځیو ته ځي.
د افغانستان او ایران ترمنځ د هلمند سیند کې د حقابې پر سر د رامنځته شوې ستونزې په لړ کې ایراني چارواکو پرون ویلي چې د افغانستان د کمال خان بند اوبه د دغه هېواد پر لور خوشې شوې دي. د اوبو او انرژۍ وزارت ویاند د ایران سیستان او بلوچستان ولایت ته د کمال خان بند د اوبو خوشېکېدو خبر ردوي.
امریکا په افغانستان کې د نشهيي توکو د کرکېلې مخنیوي په اړه د ا.ا د مشر هبتالله اخندزاده د فرمان هرکلی کړی او ویلي یې دي چې دغه پرېکړه باید عملي شي. د افغانستان لپاره د امریکا سفارت شاژدافیر یان مککري ویلي، افغانستان کې د نشهيي توکو کښت او تولید ناقانونه اعلانول، یو مثبت ګام دی او د عملي کېدو لپاره یې باید ګامونه واخیستل شي.
د ملګروملتونو سرمنشي انتونیو ګوترېش د اسلامي امارت له لوري د نجونو او هلکانو پر مخ د ښوونځيو د پرانیستلو له اعلان څخه هر کلی کړی دی.
وروسته له هغې چې د ښځو فعاله پروانه ابراهیمخېل له بنده خوشې شوه، داسې راپورونه خپاره شوي چې نیول شوې درې ښځینه فعالانې هم له بنده ازادې شوي، خو تراوسه په رسمي توګه دا راپورونه نه دي تایید شوي. یوناما د یادو ښځينه فعالانو له خوشې کېدو هرکلی کړی او ویلي یې دي چې د نیول شویو ښځو خوندیتوب او سلامتي لویه اندېښنه ده.
په افغانستان کې د ملګروملتونو استازولي یا یوناما د هغو دوو خبریالانو له خوشې کېدو هرکلی کړی چې د کډوالو په چارو کې د ملګروملتونو سازمان عالي کمېشنرۍ سره یې کار کاوه او د اسلامي امارت له لوري نیول شوي وو. یوناما ټینګار کړی، هغه وخت رارسېدلی چې خپلسره نیونو پای ته ورسېږي او هغه کسان چې بې ګناه بندیان شوي ازاد دې شي.
د اسلامي امارت د بهرنیو چارو وزارت د مسلمانانو او د افغانستان د کنګل شویو زېرمو د ازادېدو په اړه د روسیې د ولسمشر ولادیمیر پوتین له وروستیو څرګندونو هرکلی کړی دی.
د اسلامي امارت د بهرنیو چارو وزارت ویاند عبدالقهار بلخي بېګاه شپه په خپل ټویټرپاڼه لیکلي چې اسلامي امارت د ولادیمیر پوتین د وروستیو څرګندونو درناوی او هرکلی کوي.
د اسلامي همکاریو سازمان ویلي، د دغه سازمان غړو هېوادونو ژمنه کړې چې د اسلامي پراختیايي بانک په ملاتړ به د افغانستان لپاره «بشردوستانه امانتي صندوق» جوړوي. د یاد سازمان د غړو هېوادونو د بهرنیو چارو وزیرانو او د یوشمېر هېوادونو استازیو د ناستې په پای کې له افغانستان سره د بشردوستانه مرستو د رسولو پر څرنګوالي او لارو چارو غږېدلي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
