د تېر کال د غبرګولي میاشتې په ۱۳مه ځینو رسنیو د خپلو ځايي سرچینو له قوله راپور ورکړ چې د جوزجان د خماب ولسوالي سرحدي سیمه کې د اسلامي امارت او د ترکمنستان پولهساتو ځواکونو ترمنځ نښته شوې چې وروسته د اسلامي امارت حکومت د دغې نښتې رامنځته کېدل رد کړل.
په نیمروز کې امنیتي او محلي سرچینې وايي چې دغه ولایت کې ایران سره پولې ته څېرمه د ا.ا او ایراني پولهساتو ځواکونو ترمنځ تازه نښته شوې چې اوس هم روانه ده. د سرچینو په وینا، جګړه لا هم روانه ده او د نیمروز له مرکز څخه د پېښې ځای ته د ا.ا مرستندویه ځواکونه هم استول شوي دي.
نیمروز کې محلي سرچینې سلاموطندار ته وايي چې پرون مازدیګر د اسلامي امارت او ایراني پوله ساتو ځواکونو ترمنځ پولې ته نږدې «میلک» سیمه کې نښته شوې ده.
د سرپل بلخاب ولسوالي کې یوه ځايي سرچینه چې نه غواړي نوم یې خپور شي، سلاموطندار ته ویلي، ا.ا د مهدي مجاهد ځواکونو سره د مقابلې لپاره په دغه ولسوالي کې هوايي بریدونو کړې دي. سرچینه زیاتوي، د مهدي مجاهد پر کور پرون داسې مهال هوايي برید شوی چې نوموړی په کور کې نه وو.
پرون د مزار شریف ښار په مرکز کې د « سه دوکان» پر جومات له خونړۍ برید وروسته د اسلامي امارت ځواکونو او د بلخ د مخکیني والي عطا محمد نور د خوریي سهیل زمري او د جمعیت اسلامي ګوند د انشعابي څانګې د مشر ترمنځ نښتې پیل شوې چې په پای کې دا نښته د سهیل زمري په وژل کېدو پای ته ورسېد. دا نښته پرون ماښام شاوخوا ۷ بجې رامنځته شوې وه.
د پکتیا ولایت محلي چارواکي سلاموطندار ته وایي چې بېګاه په ډنډ پټان ولسوالي کې ډیورنډ فرضي کرښې ته څېرمه د اسلامي امارت د پولهساتو ځواکونو او پاکستاني ملېشو ترمنځ نښته شوې ده. ځايي اوسېدونکي هم رامنځته شوې نښته تاييدوي او وايي چې دواړو خواوو څو ساعتونه پر يوه بل ډزې کولې.
د بامیان په پنجاب ولسوالي کې یوه امنیتي سرچینه سلاموطندار ته وايي چې د یاد ولایت د استخباراتو او د دې ولسوالي د امنیې قومنداني د ځواکونو ترمنځ په نښته کې د پنجاب ولسوالي د امنیه قومندان ورور وژل شوی دی. د بامیانو د امنیه قومنداني ویاند محمدخواني رسا وايي چې دغه پېښه په تېروتنه رامنځته شوې ده.
په غور کې د اسلامي امارت مسوولان وایي چې دغه پېښه بېګاه شپه د یاد ولایت په مرکز فیروزکوه ښار کې رامنځ ته شوې ده. غور کې د اسلامي امارت د ملي امنیت مرستیال محمدصادق رصاص وایي، انسان تښتوونکو چې کله هزاره قوم پورې اړوند دوه کسان ووژل، پر طالبانو یې هم ډزې وکړې چې د نښتې په پایله کې دوه انسان تښتونکي ووژل شول او یوشمېر یې وتښتېدل.
په هرات کې یوه باوري سرچینه سلاموطندار ته وایي چې د ملا رسول په مشرۍ د طالبانو د جلا شوې ډلې مرستیال ملا عبدالمنان نیازی تېره شپه په کابل کې مړ شوی دی. د سرچینې په وینا، ملا نیازی له هرات څخه کابل ته د درملنې لپاره راوړل شوی و.
ملا نیازی د تېرې اوونۍ د سه شنبې په ماښام، د هرات د ګذرې ولسوالي اړوند په «میرداوود» سیمه کې له وسلهوالو کسانو سره په نښته کې ټپي شوی و. په دې نښته کې د ملا نیازي درې کسان هم وژل شوی دي. خو په هرات کې یوه امنیتي سرچینه وایي، ملا نیازی په هماغه شپه چې ټپي شوی و، مړ شوی؛ خو د طالبانو جلا شوې ډلې د نوموړي د مرګ خبر پټ ساتلی و.
یوې امنیتي سرچینې چې نه غواړي نوم یې یاد شي، سلاموطندار ته ویلي، پاکستاني ځواکونو نن غوښتل د سپین بولدک ولسوالي له لقمان کلي سره اغزن تار وغځوي، خو افغان ځواکونو یې مخه نیولې او د دواړو ترمنځ نښته هم شوې ده.
هرات کې د امنیتي ځواکونو او د نامسووله وسلهوالو قوماندان حبیبالله غوریاني ترمنځ ترمنځ له ۸ ساعته نښتې وروسته، افغان ځواکونه بېګاه د شپې ۱۱ بجې وتوانېدل چې د هغه کور ته ورننوځي.
باوري ځايي سرچینو د نوم نه ښودلو په شرط سلاموطندار ته ویلي چې حبیبالله غوریاني تښتېدلی، خو ۱۲ وسلهوال یې له سپکو او درنو وسلو سره نیول شوي دي. د سرچینو په وینا، په یاده نښته کې ۲ نامسووله وسلهوال وژل شوي او ۳ نور ټپیان دي.
د میدان وردګ بهسودو لومړۍ برخې ولسوالي ته د تللي پلاوي یوه غړي سلاموطندار ته ویلي چې په تېرو دوو ورځو کې یې په یاده ولسوالي کې د رامنځته شوې پېښې په اړه د پېښې څرنګوالي په اړه د سیمې له اوسېدونکو، معترضانو او امنیتي ځواکونو نه سندونه او شواهد را ټول کړي دي.
نن سهار شاوخوا ۸ بجې د کندهار دامان ولسوالۍ کې د ملي امنیت ځواکونو د موټرو پر ورکشاپ درنه چاودنه وشوه او ورپسې نښته پيل شوه. دې ولايت کې یوه امنیتي سرچینه چې نه غواړي نوم یې خپور شي وايي، تر موټربم برید وروسته وسلهوال بریدګر په پوځي یونیفورم کې سیمې ته دننه شول او ترڅو ساعتونو پورې یې افغان ځواکونو سره جګړه وکړه.
د ملي امنیت عمومي ریاست وايي چې د غور د ولایتي شورا غړی عزتالله بېګ په فېروزکوه ښار کې د ملي امنیت ځواکونو سره په نښته کې وژل شوی دی.
دغې ادارې نن په یوه خبرپاڼه کې ویلي چې د ملي امنیت ځانګړو ځواکونو غوښتل چې د غور د ولایتي شورا مرستیال عبدالرحمان عطشان او د غور غږ راډیو د مسوول بسمالله عادل ایماق «د ترور عامل» او د غور د ولایتي شورا غړی عزتالله بېګ ونیسي، خو هغه د تسلیمېدو پر ځای، د ملي امنیت پر ځواکونو بریدونه وکړل او د دواړو لوریو ترمنځ نښته کې ووژل شو.
د هرات د امنیې قوماندانۍ ویاند عبدالاحد وليزاد مني چې د دغه ولایت پر غوریان ولسوالي د طالبانو په برید کې د یادې ولسوالي امنیه قوماندان نقیبالله سلطانزی له خپلو درېوو سرتېرو سره وژل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
