«ګالوپ» څېړنیز بنسټ د یوې نظرپوښتنې د پایلو پر بنسټ چې نن (چهارشنبه، لړم څلورمه) خپره کړې، سینګاپور د نړۍ تر ټولو امن او افغانستان تر ټولو ناامنه هېواد معرفي کړی دی.
دغه بنسټ په یاده نظر پوښتنه کې د هېوادونو له خلکو پوښتنه کړې چې ایا پر خپلو محلي پولیسو ډاډمن دي، په خپله سیمه کې د امنیت احساس کوي او په تېرو کلونو کې د غلا او برید قرباني ګرځېدلي دي؟
د پاکستان لومړي وزیر شهباز شریف له ګارډین ورځپاڼې سره په یوې مرکه کې د تحریک انصاف ګوند مشر او د دغه هېواد مخکینی لومړی وزیر عمران خان د ځمکې پرمخ تر ټولو لوی درواغجن کس بللی دی.
د بهرنیو چارو وزارت سیاسي مرستیال شېرمحمد عباس ستانکزی وايي، پاکستاني چارواکي دې له داسې څرګندونو ډډه وکړي چې له امله یې د افغانستان حیثیت ته پهکې زیان رسېږي.
د بهرنیو چارو وزارت افغانستان کې د ترهګرو موجودیت رد کړی او ویلي یې دي چې دا اندېښنې د ناسمو سرچینو له لارې پیدا شوې دي.
دغه وزارت نن په یوه خبرپاڼه کې لیکلي چې د امریکا او پاکستان په ګډون، یوشمېر هېوادونو د ملګرو ملاتونو عمومي غونډه کې د افغانستان په اړه اندېښنه ښودلې چې ګواکې لا هم هېواد کې د ترهګرۍ ګواښ پر ځای دی.
د ملګرو ملتونو د ۷۷یمې عمومي غونډې له اجندا نه د افغانستان قضیې له اېستلو داسې ښکاري چې نړۍ دغه هېواد هېر کړی او په دې غونډه کې به یې پر اړوندو مسایلو هم خبرې ونه شي. د امریکا ولسمشر جو بایډن په دې غونډه کې د خبرو پر مهال افغانستان کې د بشري حقونو نقض یوازې د بېلګې په توګه یاد کړ، خو د حللارې او دې برخه کې یې د اقداماتو په اړه هېڅ هم ونه ویل.
د سپینې ماڼۍ پخوانی سلاکار جان بولټن له یوې رسنۍ سره په مرکه کې ویلي، نړۍ باید پر افغانستان د اسلامي امارت تر بیا ولکې وروسته یاد هېواد ته د ترهګرو ډلو د ورتلو څخه اندېښنه ولري. په همدې حال کې د پوځي چارو شنونکي د امریکا د ملي امنیت د پخواني سلاکار جان بولټن څرګندونې د اسلامي امارت پر وړاندې تبلیغات بولي.
وروسته له هغې چې پکتیا کې د ښوونځیو مدیرانو او خلکو له لوري له شپږم ټولګي پورته د نجونو ځینې پرانېستل شوي ښوونځي پرون بېرته وتړل شول، نجونو زدهکوونکو یې په غبرګون کې لاریون وکړ. پکتیا کې له نږدې دوو اوونیو وروسته د ښوونځيو بېرته تړلکېدو او د نجونو لاریون په کور دننه او بهر ګڼشمېر غبرګونونه له ځان سره لرلي دي.
د چارو ادارې مسوولانو نن د خپل کلني راپور د وړاندې کولو پر مهال وویل، که نړۍ په انصاف قضاوت وکړي، افغانستان باید د نړۍ د پاکو هېوادونو په نوملړ کې شامل کړي.
د چارو ادارې د پالیسي او ارزونې مرستیال سیفالدین تایب په وینا، سره له دې چې فساد نه دی صفر شوی، خو هېواد کې لمنه ډېره ورټوله شوې ده.
د روڼتیا نړیوال سازمان په خپور شوي تازه راپور کې افغانستان د نړۍ د ۱۸۰ هېوادونو له ډلې د نړۍ اووم فاسد هېواد بللی شوی دی.
د یاد سازمان په راپور کې ویل شوي چې افغانستان بشري حقونو څخه د ملاتړ، فساد سره د مبارزې او مدني ازادیو په برخه کې د ۱۶ امتیازونو په ترلاسه کولو سره په ۲۰۲۱ کال کې د نړۍ د فاسدو هېوادونو نوملړ کې ۷ ځای خپل کړی دی.
کابل کې د امریکا د بېپیلوټه هوايي برید کې د القاعده شبکې مشر ایمن الظواهري له وژلکېدو وروسته د چارو یوشمېر شنونکي وايي، د نوموړي وژنه به نړیوالې ټولنې سره د اسلامي امارت اړیکې خړې پړې کړي. دوی سلاموطندار ته ویلي، د اسلامي امارت دغه کړنه به د دوی د سرپرست حکومت په رسمیت پېژندو بهیر نور هم وځنډوي.
د روغتیا نړیوال سازمان وايي چې په نړۍ کې د «بیزو تڼاکې» ناروغۍ مثبتې پېښې د زیاتېدو په حال کې دي چې تراوسه د یادې ناروغۍ پېښې په ګڼشمېر هېوادونو کې ثبت شوي دي.
باختر خبري اژانس په ټویټر کې د امربالمعروف او نهې عنالمنکر وزارت د سرپرست محمد خالد حنفي له قوله لیکلي، د نړۍ هېوادونه «زمونږ د خوېندو» د حجاب په اړه د پرېکړې واک نه لري.
د ملګرو ملتونو سرمنشي انټونیو ګوټرېش وايي چې په نړۍ کې له هرو درې ښځو څخه یوه یې په مستقیمه توګه له تاوتریخوالي سره مخ کېږي.
د افغانستان او اوکراین یوشمېر ښځو په یوې ناسته کې له نړیوالې ټولنې غوښتنه وکړه چې د دواړو هېوادونو د ښځو، سولې او امنیتي وضعیت ته پام وکړي.
د افغانستان د صنایعو او کانونو خونې رییس شېرباز کمینزاده نن په کابل کې یوې خبري ناستې ته وویل چې د اسلامي امارت له راتلو سره هممهاله تولیدي شرکتونه د خامو موادو له کمښت سره مخ دي.
د رییس الوزرا لومړي مرستیال عبدالغني برادر نن په کابل کې له صنتکارانو سره په یوې ناسته کې له نړیوالې ټولنه وغوښتل چې اسلامي امارت په رسمیت وپېژني.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
